Başûrê Xezzeyê tevahiya şevê bû hedefa êrîşên hewayî yên dijwar ên rejîma îşxalker. Îro danê sibê ji bo bi dehan Filistîniyên ku di bombebaranê de canê xwe ji dest dan merasîmên cenaze hatin lidarxistin.

Li başûrê Xezzeyê, di bombebarana dijwar a ku ji aliyê rejima îşxalker ve tevahiya şevê hat kirin de, bi dehan Filistînî hatin şehîdkirin. Çavkaniyên herêmî ragihandin ku bombebaran bi taybetî li herêmên Xan Yûnis û Refahê tesîrdar bûye.

Ekîbên parastina sivîl û yên tenduristî heta sibehê ji bo rizgarkirina şehîd û birîndaran ji bin kavilan xebata xwe berdewam kirin. Di êrîşên şevê de herî kêm 63 kes, di nav wan de jin û zarok jî hebûn, hatin şehîdkirin.

Di sibehê de, merasîmek girseyî ya cenazeyê şehîdan hate lidarxistin. Di cenazeyan de, di nav hêstiran de, Filistîniyan ji bo bidawîanîna îşxalê û êrîşan dua kirin. (ÎLKHA)