13 oC 
Güneşli
Komên berxwedanê li dijî pêşnûmeqanûna ku ji hêla Washingtonê ve li NY hatiye belavkirin, banga hevgirtina herêmî û navneteweyî kirin, û tekez kirin ku şandina hêzên biyanî bo Xezzeyê "formek cuda ya îşxalkirinê" ye.
Grûpên berxwedana Filistînî daxuyaniyek bi tund li dijî pêşniyara ku ji teref Emrîkayê ve pêşkêşî Neteweyên Yekbûyî hatiye kirin û tê de hêzên navneteweyî li Xezzeyê hatine bicihkirin, weşandin. Ew dibêjin ku her çend ev înîsiyatîf bi çend manîpulekirinan, wekî "parastina mirovî" û "îstîqrar", tê pêşkêşkirin jî, di rastiyê de armanc ew e ku wesayeta biyanî li ser pêşeroja Xezzeyê ferz bike.
Komên berxwedanê diyar kirin ku projeyek wiha îradeya gelê Xezzeyê desteser dike û li gorî armancên rejîma siyonîst e, û qanûnê wekî "bazirganiya modelek îşxalê ya nû bi piştgiriyek navneteweyî" bi nav kirin.
Di daxuyaniyê de bi taybetî bal hat kişandin ser Cezayîrê. Komên berxwedanê bi bangeke "samîmî û biratî" bang li gel û hikûmeta Cezayîrê kirin û ji wan xwestin ku helwesta xwe ya dîrokî li dijî vê înîsiyatîfa ku li NY tê sepandin biparêzin. Aliyê Filistînî tekez kir ku Cezayîrê bi berdewamî Filistîn parastiye û redkirina vê pêşnûmeyê ya niha hêviya rastîn a gel temsîl dike.
Di daxuyaniyê de, ku rola Cezayîrê di doza Filistînê de destnîşan kir, hat gotin ku welat wekî "dengê gelê Ereb ê azad" derdikeve pêş û ji bo redkirina xwe ya li hember zextên navneteweyî serî natewîne. Komên berxwedanê diyar kirin ku her hebûna leşkerî ya biyanî li Xezzeyê, bêyî ku navê wê çi be, îxlalkirina serweriya Filistînê ye û gaveke wisa dê êşê kûrtir bike.
Berxwedanê di daxuyaniya xwe de her wiha bi bîr xist ku tekane rêya bi destxistina ewlehî û îstîqrarê li Xezzeyê, bidawîanîna tevahî dagirkeriyê, rakirina dorpêçê û rêdana ku gelê Filistînê bi azadî pêşeroja xwe diyar bike, ev e.
Di dawiya peyama xwe de, komên Filistînî bang li hemû welatên Ereb û Îslamî, bi taybetî Cezayîr, û her weha gelên azad ên cîhanê kirin ku di redkirina pêşnûmeqanûna Amerîkî de helwestek yekgirtî bigirin. Wan tekez kir ku ev nêzîkatî ji bo azadî û rûmeta Xezzeyê girîng e. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Her çiqas trajediya ku ji ber barana dawî li Xezzeyê qewimî dilê mirov diêşîne jî, mixabin bi deh hezaran konteynerên ku dihat texmînkirin ku ji bo xelkê herêmê rehetiyek girîng bînin, li ser sînorê Misrê li bendê ne.
Dadgeha Tawanên Navneteweyî ya Bangladeşê, Serokwezîra berê Şêx Hesîna bi sûcên li dijî mirovahiyê, ji ber bersiva tund a hikûmeta wê ya li hember xwepêşandanên xwendekaran ên par, cezayê darvekirinê da.
Wezîrê Parastinê yê Sûriyeyê Murhaf Ebû Qesra li Şamê şandeyeke payebilind a Rûsyayê bi serokatiya Cîgirê Wezîrê Parastinê yê Rûsyayê Yunus-Bek Yevkurov mazûvaniya kir. Civîn li ser xurtkirina hevkariya leşkerî û pêşxistina mekanîzmayên hevrêziya hevbeş bû.
Otobûsek ku rêwîyên umrê di nav de bûn dema ku ji Mekkeyê diçûn Medîneyê li tanekerekî qelibî. Li gorî diyarîyên ewil di encamê de 42 an jî 45 kes canê xwe ji dest dane, di nav mirîyan pîrek û zarok jî hene.
