Ekîbên Parastina Sivîl li Şerîda Xezzeyê cenaze û paşmayên 55 şehîdan dîtin ku nêzîkî du salan li herêma Zeytûnê di bin xirbeyên avahiyê de asê mabûn. Her çend ekîb texmîn dikin ku zêdetirî 60 şehîd di heman avahiyê de mane jî, tê gotin ku li seranserê Xezzeyê nêzîkî 10.000 şehîd hêna jî di bin xirbeyên avahiyê de ne.

Ekîbên Parastina Sivîl a Filistînê li Xezzeyê, li herêma Zeytûnê ya rojhilatê bajarê Xezzeyê, termên 55 şehîdan ji nav xirbeyên avahiyek aîdî malbata "Melîke" derxistin.

Muhammed Ebû Dan, serokê projeya vegerandina cenazeyan a Parastina Sivîl, diyar kir ku ekîb di roja sêyemîn de dixebitin da ku bigihîjin cenazeyên zêdetirî 60 şehîdan di avahiyê de, û heta niha piraniya wan hatine derxistin. Tê plankirin ku cenazeyên hatine derxistin di destpêka hefteya bê de bi merasîmek girseyî werin veşartin. (ÎLKHA)