Rejima sîyonîst, ji bona ku dengê heqîqetê bibire dîsa çapemenîyê hedef girt. Rojnameger Hasan Abdul Fettah Îsleîh (Ebu’i-Abd) di Nexweşxaneya Nasirê ku tedawîyê didît de di encama êrîşê de hat şehîdkirin.

Rojnameger Hasan Abdul Fettah Îsleîh (Ebu’i-Abd) ku yek ji navê nîşana berxwedana Xezzeyê bû, li Xan Yûnisê di encama êrîşa ku li Kompleksa Tip a Nasirê hat lidarxisitn de şehîd bû.

Îsleîh, berê jî bûbû hedefa rejima sîyonîst, û ji bo tedawîyê ji nexweşxaneyê re hatibû rakirin. Encax di encama hedefgirtina balafirên herbê yên rejima îşxalker de vê sibehê şehîd ket.

Komîteyên Berxwedana Fîlîstînê, derheqê meseleyê de daxuyanîyeke şînê parve kir û weha got, “Xwîna şehîd rojnameger Îsleîh, ew ê li enîya îşxalkeran wek rûreşîyekî be. Dinyaya ku bêdeng dimîne jî hevparê vê sûcê ye.” Di berdewama daxuyanîyê de ev sûîqesta artêşa îşxalê jî wek “Bi tirsonekî û xaîntî” wesifand.

Ofîsa Medyaya Hikûmeta li Xezzeyê daxuyand ku ji 7ê Cotmeha sala 2023yan vir ve hejmarê rojnamegerên ku hatine şehîdkirin derket 215 kesan. Îsleîh, şexsîyetekî gelek girîng ê ku êş û zilma îşxalê ku li Xezzeyê bikardianît dida ber çavan bû. (ÎLKHA)