Misirê, ji bona ku tevlî lêgerîna êsîrên îşxalker bibînin ekîbek nû ya ekskavatoran şandiye Xezzeyê.

Çavkaniyek fermî ya Misrê li Deriyê Sînor ê Refahê ragihand ku komeke nû ya amûrên înşaetê yên Misrê ji Deriyê Sînor ê Kerem Şalomê derbasî Xezzeyê bûne da ku beşdarî operasyonên paqijkirina kavilan û lêgerîna cenazeyên êsîrên sîyonîst ên di bin kavilan de asê mane bibin.

Rojnameya El-Erebî El-Cedîd, bi îsrafa çavkaniyek nenas, ragihand ku 12 wesayîtên avahîsaziyê yên Misrê îro derbasî Xezzeyê bûne û şeş wesayît jî tevlî wan bûne ku roja Yekşemê di sibeha xwe de sînor derbas kirine.

Wî diyar kir ku ketina amûrên navborî di çarçoveya hevrêziya berdewam a di navbera Misir û rejîma îşxalker de ji bo hêsankirina hewldanên lêgerîn û rizgarkirinê li deverên ku di hefteyên dawî de pevçûnên tund lê qewimîne, pêk hatiye.

Çavkaniyê diyar kir ku erkên sereke yên wesayîtên Misrê paqijkirina mîqdara mezin a kavilên ku ji ber bombebaranên rejîma îşxalker çêbûne, vekirina rêyên navxweyî li deverên cûrbecûr ên li beşên başûr û navîn ên Xezzeyê û piştgirîkirina xebatên kolandinê yên berdewam ji bo dîtina cenazeyên êsîrên sîyonîst in.

Çavkaniyê diyar kir ku Qahîre amadekariyan dike ku di rojên pêş de alavên giran ên zêdetir bişîne, û got ku ev yek ji bo lezandina kar û amadekirina binesaziya lojîstîkî ya pêwîst ji bo destpêkirina merhaleya ji nû ve avakirinê ye.

Di heman demê de, çavkaniyên hikûmeta Misrê destnîşan kirin ku rola Misrê li Xezzeyê bi alîkariya mirovî û mîsyonên endezyariyê ve sînordar e û ti berpirsiyarî an erkên ewlehiyê li Xezzeyê tune ne. (ÎLKHA)