Serokwezîrê qaşo yê rejîma sîyonîst Benyamîn Netanyahû got, "Ger Filistînî bixwazin bimînin, dikarin bimînin, lê ger bixwazin biçin, divê bikaribin biçin. Em li ser vê mijarê bi Emrîkayê re pir nêzîk dixebitin. Em nêzîkî razîkirina hinek welatan in."

Di hevdîtina Serokê Emrîkayê Donald Trump û qaşo Serokwezîrê rejîma sîyonîst Benyamin Netanyahu li Qesra Spî de hûrgiliyên plana skandal a ji bo Xezzeyê derketin holê. Di daxuyaniyên ku di dema şîvê de hatin dayîn de, Trump û Netanyahu li xwe mikur hatin ku amadekariyên ji bo derxistina Filistîniyan ji Xezzeyê hene.

Dema Netanyahu got ku divê "mafê" Filistîniyan hebe ku li Xezzeyê bimînin an jî biçin, wî di rastiyê de hewl da ku bi van gotinan polîtîkayeke paqijkirina etnîkî ya veşartî rewa bike.

Netanyahu got, "Ger Filistînî bixwazin bimînin, ew dikarin bimînin, lê ger ew bixwazin biçin, divê ew bikaribin biçin. Em li ser vê mijarê bi Emrîkayê re pir nêzîk dixebitin. Em nêzîkî razîkirina hinek welatan in."

Ev gotinên Netanyahu eşkere kirin ku plana şandina xelkê Xezzeyê ji bo welatên din bi rastî jî di meriyetê de ye. Netanyahu her wiha îddîa kir ku divê Filistînî "ji bo pêşerojek çêtir" li welatên dinê werin bicihkirin û diyar kir ku ew bi Emrîkayê re li dewletên ku vê pêvajoyê pêk bînin digerin.

Trump got, "Em li ser rêya aştiyê li Xezzeyê ne. HAMAS jî agirbestê dixwaze."

Van daxuyaniyan eşkere kir ku hevkariya nû ya di navbera Emrîka û rejîma sîyonîst de ne tenê rawestandina pevçûnan e, lê belê planeke pir xeternaktir di meriyetê de ye ku armanc dike avahiya demografîk a Xezzeyê biguherîne.

Trump berê di gotarekê de ku di meha Sibatê de gotibû ku "Xezze dikare ji aliyê Emrîkayê ve were girtin" û Filistînîyên li wir "wê ji welatên dinê re werin şandin." (ÎLKHA)