Neteweyên Yekbûyî (NY) di daxuyaniya xwe de diyar kir ku ew ji ber talûkeya cemidandina pitikan di şert û mercên hewaya sar de li Xezzeyê endîşedar in.

Berdevkê Neteweyên Yekbûyî Stéphane Dujarric di daxuyaniya xwe de diyar kir ku Ofîsa Koordînasyona Alîkariya Însanî ya Neteweyên Yekbûyî (OCHA) ji ber xeberên li ser mirina pitikek yek mehî ya ji ber hîpotermiya li Xezzeyê endîşedar e.

Dujarric got ku eger alîkarî ji malbatan re were gihandin dê bûyerên bi vî rengî "pêşi lê werin girtin" û êrîşên îşxalkeran ên berdewam li Xezzeyê kirîza mirovahî bi qurbaniyên rojane yên sivîl û koçberkirina mezin girantir dike.

Dujarrîc bi bîr xist ku divê sivîl bên parastin, îşxalkeran dibistaneke Neteweyên Yekbûyî bombebaran kir û got, "Divê sivîl û binesaziyên sivîl, xebatkarên alîkariyên mirovî, karwan û amûr li gorî hiqûqa mirovahiyê ya navneteweyî bên parastin." (ÎLKHA)