Serokkomarê Îranê Pezeşkîyan piştî vegera xwe ji serdana xwe ya Azerbaycanê li Balafirgeha Mehrabad a Tehranê daxuyaniyek da.

Serokkomarê Îranê Mesûd Pezeşkiyan diyar kir ku welatên beşdarê Lûtkeya Rêberên Rêxistina Hevkariya Aborî (ECO) bûn êrîşên rejîma sîyonîst li ser Îranê bi tundî şermezar kirin.

Pezeşkiyan hevdîtina xwe ya bi Serokkomarê Tirkiyeyê Recep Tayyip Erdogan û Serokkomarê Azerbaycanê Eliyev re weha nirxand:

Pezeşkîyan got, "Hevdîtina bi Birêz Erdogan re pir baş û avaker bû, û me hem têkiliyên aborî û hem jî êrîşên sîyonîstan nîqaş kir. Serokkomarê Tirkiyeyê bi eşkereyî êrîşkariya rejîma sîyonîst şermezar kir, û me li ser hevkariya dîplomatîk a pêşerojê nîqaş kir."

Pezeşkîyan derbarê hevdîtina xwe ya bi Serokkomarê Azerbaycanê Îlham Eliyev re got, "Hevdîtina me ya bi Eliyev re di atmosfereke erênî û dostane de derbas bû û di warê hevkariya aborî û herêmî de encamên baş hatin bidestxistin."

Pezeşkiyan her wiha diyar kir ku sefer û serdan dikarin rê li ber xurtkirina têkiliyên bi welatên Îslamî re vekin. (ÎLKHA)