Tevgera Ensarullah a Yemenê êrîşên zêde yên rejîma îşxalker li ser Lubnanê bi tundî şermezar kir û ragihand ku ew li kêleka gelê Lubnanê û berxwedana wî ne.

Buroya Sîyasî ya Tevgera Ensarullah di daxuyaniyek nivîskî de diyar kir ku ew îxlalkirinên serweriya Lubnanê ji aliyê rejîma îşxalker ve û helwesta wê ya êrîşkar bi tundî şermezar dikin.

Di daxuyaniyê de hat gotin ku helwesta qels a hikûmeta Lubnanê bûye sedem ku rejîma îşxalker êrîşên xwe zêde bike.

Di daxuyaniyê de wiha hat gotin: "Em bi tundî êrîşa zêde ya îsraîlê û îxlalkirin û êrîşên wê yên li dijî serweriya Lubnanê şermezar dikin. Bêxemiya hikûmeta Lubnanê û bêbersiviya wê ya li hember êrîşên dubare yên dijmin, bûye sedem ku ew êrîşî serweriya Lubnanê bike û sozên xwe bicîh neyne. Em ji nû ve piştrast dikin ku Yemen li kêleka Lubnanê, gelê wê, artêşa wê û berxwedana wê ya Îslamî ye û em piştgiriyê didin mafê wan ê li hember zilma îsraîlê. Li hember êrîşa îsraîlê li gorî hemî pîvanên dînî, exlaqî û mirovî mafekî rewa ye. Em bang li civaka navneteweyî û welatên Ereb dikin ku bi rastî bi gelê Lubnanê re bibin yek û piştgiriyê bidin Lubnanê." (ÎLKHA)