Hat ragihandin ku Wezîrê Ewlekariya Neteweyî yê îşxalkeran, Îtamar Ben-Gvir, planeke kolandina xendekan li dora Girtîgeha Ketziotê, ku esîrên Filistînî lê ne, xistiye meriyetê û ew ê bi tîmsahan were dagirtin. Li gorî nûçeyên di çapemeniya Îbranî de, kolandina xendekan li beşek ji girtîgehê dest pê kiriye û ji bo projeyê budçeyek ji 21 milyon şekel hatiye veqetandin.

Li gorî rojnameya Yedioth Ahronoth a bi zimanê Îbranî, îro sibê li dora yek ji baskên Girtîgeha Ketziotê xebata kolandina xendekekê dest pê kir.

Li gorî agahiyan, armanc ew bû ku xendeq bi tîmsehan werin dagirtin, wekî beşek ji plana Ben-Gvir a ji bo tundkirina tedbîrên ewlehiyê.

Hat ragihandin ku plan bi budçeyek nêzîkî 21 milyon şekel tê bicîhanîn, û merhaleya yekem a bicîhanînê wekî projeyek pîlot li Girtîgeha Ketziot tê plankirin.

Ben-Gvir pêşî di dawiya sala 2025an de ev proje pêşniyar kiribû. Lêbelê, ji ber nerazîbûnên Desteya Park û Xwezayê ya sîyonîst û şêwirmendên hiqûqî, ew hate sekinandin.

Hefteya borî, Wezîra Jîngehê ya qaşo, Îdît Silman, statuya yasayî ya tîmsehên Nîlê guherand bo "ajalên kovî yên kontrolkirî", û astengiya yasayî ya li pêşiya karanîna wan di girtîgehan de ji holê rakir.

Li gorî nûçeyên di çapemeniya sîyonîst de, plana bikaranîna tîmsehan li dora girtîgehê wekî tedbîrek ewlehiyê ya zêde tê pêşkêş kirin da ku pêşî li revîna esîrên Filistînî were girtin.

Rêxistinên mafên mirovan bi awayekî xerab bertek nîşan didin û projeyê wekî "nemirovane" û "ji hêla qanûnî ve gumanbar" bi nav dikin. (ÎLKHA)