Artêşa rejîma sîyonîst ragihand ku wan sîstemeke nû ya astengkirina mûşek û balafiran a bi bingeha lazerê wergirtiye da ku di nav mîmariya parastinê ya pir-qatî ya wê de were entegrekirin.

Artêşa îşxalker sîstemeke nû ya parastina hewayî ya bi lazerê ya bi hêza bilind a bi navê "Tîrêjên Hesinî" li envantera xwe zêde kiriye. Hat ragihandin ku ev sîstem ew ê bi entegrekirina binesaziya parastinê ya pirqatî ya heyî ve were aktîfkirin.

Wezareta Parastinê ya qaşo ya rejîma siyonîst diyar kir ku sîstema destwerdana lazer ji aliyê şîrketên çekan Elbit Systems û Rafael ve hatiye pêşxistin. Her wiha hat diyarkirin ku sîstema "Tîrêjên Hesinî" ji bo ku bi sîstemên parastinê yên "Qubbeya Hesinî", "Şîpa Dawid" û "Tîr" ên ku niha têne bikar anîn re hevdem bixebite hatiye çêkirin.

Karbidestan îddîa kirin ku ceribandinan nîşan dane ku sîstem dikare bi rastbûnek bilind roket, hawan, dron û cûrbecûr tehdîdên hewayî tesîrdar bike. Di daxuyaniyê de her wiha hate destnîşankirin ku teknolojiya lazerê li gorî sîstemên parastinê yên kevneşopî yên li ser bingeha mûşekan bi lêçûnek pir kêmtir dixebite.

Li gorî nirxandinên li ser bingeha çavkaniyên Amerîkî, lêçûna çekên lazer ji bo bêbandorkirina dronekê bi qasî 4 dolarî ye, ku li gorî pergalên parastinê yên rejîma sîyonîst a heyî pir kêm e.

Wezîrê Parastinê yê rejîma sîyonîst, îsraîl Katz, radestkirina vê sîstemê wekî "gaveke dîrokî" bi nav kir û îddîa kir ku ew ê bandoreke bingehîn li ser hevsengiya leşkerî ya li herêmê bike. Katz diyar kir ku sîstem niha bi tevahî dixebite, û "peyamek zelal ji bo dijberan" dişîne.

Emîr Beram, Rêveberê Giştî yê Wezareta Parastinê, destpêkirina xebitandina sîstema lazerê wekî "destpêka serdemeke nû" di teknolojiyên parastina hewayî de bi nav kir.

Ev pêşketin wekî beşek ji hewldana rejîma sîyonîst ji bo xurtkirina şiyanên xwe yên leşkerî di nav êrîşên berdewam ên li Xezzeyê û deverên din ên herêmê de û zêdebûna aloziyên herêmî tê dîtin. (ÎLKHA)