Sekreterê Konseya Bilind a Ewlekariya Neteweyî ya Îranê, General Muhsîn Rizaî, bersiva Emrîkayê ya li ser daxwazên Îranê wekî bawerîdar nedît.

Rizaî, di postekê ji hesabê xwe yê X de got, "Bersiva Emrîkayê ya li hember maf û daxwazên Îranê ne bawerbar bû, û divê ew bi tevahî û zelal bersiva heft şertên Îranê bide û li gorî wan tevbigere; tenê wê demê Tengava Hurmuzê ew ê were vekirin."

General Rizaî berê derbarê heft mercan û cudahîyên wan ji peymana Îslamabadê de ev tişt gotibû: "Peymana Îslamabadê nezelalîyên ku bûn sedema şîroveyên wekî rêvebirina Tengava Hurmuzê û berdana fonên (cemidî) hebûn, û ev di heft mercan de hatin çareserkirin."

Rizaî li ser îhtîmala hevdîtinên di warê nukleerî de got, "Em endamê NPT ne û bîst û du mafên me hene; heke diyaloga nukleerî hebe, em ê mafên xwe bixwazin. Ji ber vê yekê, em bi biryardarî mafên gelê Îranê diparêzin û bê guman, em mijara demê jî dinirxînin. Niha em li benda bersiva Emrîkiyan in; Tengava Hurmuzê heya ku Îran heft şertan pêk neyne nayê vekirin." (ÎLKHA)