Sekreterê Giştî yê Tevgera Hizbullaha Lubnanê Şêx Neîm Qasim di axaftina xwe de got ku berxwedan çekdanîn û teslîmbûnê neke.

Sekreterê Giştî yê Tevgera Hizbullahê li Lubnanê, Şêx Neîm Qasim, bi minasebeta meha Muherremê û merasîmên şînê yên Îmam Huseyîn axavtinek kir.

Naîm Qasim bang li wan kesên ku dixwestin berxwedêr çekên xwe deynin kir û got, "Herin û ji êrîşkaran bixwazin ku çekên xwe deynin, ji parêzvanên vê axê re nebêjin."

Ma mentiqî ye ku meriv qet êrîşa dijmin şermezar neke, lê bi berdewamî êrîşî gelê xwe bike û bêje, 'Divê hûn pêşî çekên xwe deynin'? Ger hin amade ne ku teslîm bibin, ev hilbijartina wan e. Lê em ê teslîm nebin; dirûşma me Heyhat, minnezzilleh' (zillet ji me dûr e) ye.

Te hesab şaş kir; te guman kir ku tu dikarî berxwedanê bi pişta xwe bispêrî hêza yên din bitepisînî. Lê gelê berxwedanê ji dijmin natirse.

Qasim got, "Serkeftina rastîn rizgarkirina welatê me ye. Ev banga me ji we re ye û em ji bo vê amade ne,"

Qasim diyar kir ku rewşa îşxalê diyar e û got, "Îro îşxalker îsraîl e û divê ji axa me derkeve. Tekane rêya têkoşîna li dijî vê dagirkeriyê berxwedan e."

Sekreterê Giştî yê Tevgera Hizbullahê got, "Ji bo parastina welat, kes ne hewceyî destûrê ye. Ger kesek îddîa bike ku alternatîfek rastîn pêşkêş dike ku dikare şûna vê parastinê bigire, em amade ne ku li ser hemî hûrguliyan bi wî re biaxivin." (ÎLKHA)