Serokkomarê Tirkiyeyê Recep Tayyîp Erdogan bi Serokê Emrîkayê Donald Trump, Prensê Welîehdê Erebistana Siûdî Muhemed bin Selman û Serokkomarê Sûrîyeyê Ahmed Şera re bi rêya înternetê hevdîtin kir.

Li gorî daxuyaniya Midûriyeta Ragihandinê, Serokkomar Erdogan di civînê de diyar kiriye ku Tirkiye dixwaze Sûrîye bibe welatekî aram û serfiraz ku bi welatên herêmê re hevkariyê bike, ji bo cîranên xwe tehdîd neke û ji bo vê yekê hewl dide.

Serokkomar Erdogan diyar kir ku "Tirkiye dê di têkoşîna li dijî rêxistinên terorîst, bi taybetî DAIŞê de, piştgiriya xwe ya ji bo rêveberiya Şamê bidomîne û amade ye ku di rêvebirin û ewlehiya navendên ragirtinê yên ku terorîstên DAIŞê lê ne de piştgiriyê bide."

Erdogan got ku biryara Serokê Emrîkayê Donald Trump a ji bo rakirina mueyyîdeyên li ser Sûrîyeyê girîngiyeke dîrokî ye, û ew bawer dike ku ev biryar dê ji bo welatên din ên ku mueyyîdeyan danîne bibe mînak, û dê derfetên veberhênanê li deverên cûda yên Sûrîyeyê derkevin holê.

Serokkomar Erdogan diyar kir ku rewşa mirovî ya li Xezzeyê xirabtir dibe û hewldanên Tirkiyeyê yên ji bo rawestandina vê tundûtûjiyê didomin, û got ku divê dawî li trajediya mirovî ya li Xezzeyê bê anîn.

Serokkomar Erdogan di civînê de destnîşan kir ku ji bo serok û asta teknîkî dê sûdmend be ku di Şerê Rûsya-Ukraynayê de tavilê dest bi danûstandinên agirbest û aştiyê bikin, û Tirkiye dê ji bo aştiyê hemû hewla xwe bide. (ÎLKHA)