Baskên Ciwanî yê HUDA PARê, ji kampanyaya ku ji bo Xezzeyê ji behrê re şûşeyên zexîreyê bavêje re bersivê da û li Behra Spî ya alîyê Mêrsînê şûşeyên zexîre tijîkirî avêtin nav avê.

Li ser hîsaba medyaya civakî zilamekî Misirî ji bona ku bighêje Xezzeyê şûşeyan bi arvan û zexîreyên tijî kiribû û avêtibû nav Behra Spî, ev kampanyaya zilamê Misirî ji teref gelek mirovan ve bi kêşfxweşî hat pêşwazîkirin û beşdarî vê kampanyayê bûn.

Baskên Ciwanî yê HUDA PARê jî ji vê bangê û kampanyayê re beşdarî bû û ji Behra Spî re şûşeyên ku zexîre di nav de bûn avêtin.

Di weşana ku li ser hîsaba medyaya civakî hat parvekirin de weha hat gotin, “Em ji bo Xezzeyê wijdanê xwe davêjin behrê! Ew ê van şûşeyên ku em davêjin nav behrê tenê ji bo Xezzeyê nebe hêvî, di heman demê de ew ê di roja axîretê de jî ji me re şahidîyê bike. dibe ku neghêje Xezzeyê… Dibe ku di nav pêlên behrê de winda jî bibin… lê ew ê van şûşeyan di hizûra Xwedê re bibêjin: ‘Van însanan ji bo bêkesan bi nîyetekî baş tiştekî kirin.” (ÎLKHA)