Serokê Giştî yê HUDA PARê Zekerîya Yapicioglu, derheqê êrîşên Emrîkayê yên li ser Îranê de daxuyanîyên girîng da. Yapicioglu destnîşan kir ku dinya gav bi gav ber şerê ve diçe û hişyarîya, “Dibe ku sibe pirr dereng be.” da.

Serokê Giştî yê HUDA PARê Zekerîya Yapicioglu, êrîşên Emrîkayê yên li ser Îranê bi zimaneke tund lenet kir. Yapicioglu, di daxuyanîya xwe ya ku li ser hîsaba medyaya civakî belav kir de weha got, “Berîya ku ev agir dinyayê neşewitandîye, însanên ku li alîyê aştî, hizûr, însanîyet û edaletê ne divê bibin yek û bi lez û bez vê agirê fitnê bivemirînin. Yan na dibe ku ew ê sibe pirr dereng be.”

“Ev êrîş, tenê ji Îranê re nehatîye kirin”

Yapicioglu di destpêka axavtina xwe de weha destpê kir, “Ez êrîşa alçaxî ya ku Emrîkayê li dijî tesîsên nukleerî ya Îranê daye destpêkirin lenet dikim.” Û dûre weha got, “Emrîkaya ku hemû çekgirtinan ji bo xwe meşrû dibîne, ketîya rola cendermeyê û serxwebûnîya Îranê îxlal kirîye û nîyeta xwe ya ku herêmê kaşê kaosê bike carekî dinê jî nîşan daye. Ev êrîş, ne tenê ji Îranê re hatîye kirin; ev êrîş ji meydan xwarinekî ku ji erdnigarîya Îslamê û li hembe rînsanîyetê hatîye kirin e. Emrîkaya ku berê bi behenyeya ‘çekên îmhekirina gelan heye’ Îraqê îşxal kir û xwîna bi milyonan însanan rijand, îro jî dixwaze ku heman tiştê li ser Îranê bike.”

“Rûyê rastîn a zîhnîyeta emperyalîstan”

Yapicioglu, bibîrxist ku cara yekem tenê yê ku çeka nukleerî bikaranîtîye Emrîkaye, “Rêxistinê terorê ya sîyonîst jî xwedîyê çekên nukleerî ye. Rejima sîyonîst, xeyn ji çekên konvalsîyonel, bi çekên kîmyewî û îmhakirina piranî li Xezzeyê qetilkirina mesuman didomîne. Digel vêya jî xwedîbûna çekên nukleerî û qetlîmên Emrîkayê û îsraîlê nayê nîqaşkirin. Feqet tê gotin ku bernameya nukleerî ya Îranê ku ew jî bi armanca aştîyane û di bin denetima navneteweyî de bikartîne talûkeye û qaşo ev êrîşan jî ji bona însanîyetê ji vê talûkeyê xelas bikin ‘êrîşên bergirtinê’ ne. Ev êrîşdarî cardin dîsa rûyê zîhnîyeta emperyalîstan nîşan daye.”

“Xizmetkarê sîyonîstan Emrîka ye”

Yapicioglu di berdewama daxuyanîya xwe de weha got, “Esil ê ku ji bo însanîyetê talûke ye Emrîkayê Şeytanê mezin ku bi êrîşdarî û hiqûqnas hatîye binavkirin û kuçikê har ê qirker xwedîyê çek ên îmhekirina kûrewî ye. Rejima terorê ya rêxistina sîyonîst a qirker, li ber aştî û îstîqrarê astengîya herî mezin e. Sîyonîzm û xizmetkarê sîyonîzmê Emrîka, ji aştîya kûrewî re tehdîda herî mezin û herî nêz e.”

Zekerîya Yapicioglu di dawîyê de destnîşan kir ku hêzên tarî û şer dixwazin ku cîhanê ber bi herbê ve bibin, “Berîya ku ev agir dinyayê neşewitandîye, însanên ku li alîyê aşrî, hizûr, însanîyet û edaletê ne divê bibin yek û bi lez û bez vê agirê fitnê vemirînin. Yan na dibe ku ew ê sibe pirr dereng be.” (ÎLKHA)