Nêzîkî 20 milyon xwendekarên dibistanên seretayî û navîn ên girêdayî Wezareta Perwerdehiya Neteweyî ew ê îro qarneyên xwe yên notan bistînin û dest bi betlaneya havînê bikin.

Sala xwendinê ya 2024-2025an li saziyên pêşdibistan, seretayî û navîn di 9ê Îlona 2024an de dest pê kir.

Betlaneya navîn a yekem a heyamê di navbera 11-15ê Mijdarê de û betlaneya navîn a heyama duyem jî di navbera 31ê Adarê û 4ê Nîsanê de pêk hat. Heyama duyem, ku di 3yê Sibatê de dest pê kiribû, îro bi dawî dibe.

Xwendekar ew ê îro piştî zengila dawîn sala xwe ya xwendinê biqedînin.

Serlêdana îmtîhanên hevpar ên seranserê welat, ku di sala akademîk a 2023-2024an de hate destpêkirin, ji bo îmtîhanên hevpar ên Tirkî, ziman û wêjeya Tirkî û dersên matematîkê yên di polên 6 û 9an de têne lidarxistin hate berfireh kirin û îsal di polên 7 û 10an de jî hate bicîh kirin.

Îmtîhanên devkî yên ji bo wergirtina 15 hezar mamosteyên peymankar ku ew ê ji teref Wezaretê ve werin lidarxistin, wê di 23ê Hezîranê de dest pê bikin. Îmtîhan dê li 5 wîlayetan, li Enqere, Bûrsa, Erzirom, Stenbol û Qonyeyê, werin lidarxistin.

Xwendekarên pola dawî û mezûnên lîseyê dê di 21-22ê Hezîranê de heyecana Îmtîhana Saziyên Xwendina Bilind (YKS) biceribînin. Rûniştina yekem a YKS, Testa Jêhatîbûna Bingehîn (TYT), dê di 21ê Hezîranê de, rûniştina duyem, Testên Jêhatîbûna Meydanê (AYT), û rûniştina sêyem, Testa Zimanê Biyanî (YDT), dê di 22ê Hezîranê de werin lidarxistin.

Pêvajoyên bicihkirinê dê piştî ragihandina encamên azmûna navendî û YKS di çarçoveya Sîstema Veguhestina Lîseyê (LGS) de, ku azmûnên veguhêz ên navbera astan in, dest pê bikin.

Sala xwendinê ya 2025-2026an ew ê di 8ê Îlonê de dest pê bike. (ÎLKHA)