Berdevkê AK Partiyê Omer Çelik got, "Êrîşa îsraîlê ji bo tevahiya cîhanê tehdîd e. Divê tevahiya cîhanê li dijî vê yekê tedbîrên hevpar ên berbiçav bigire."

Omer Çelik di daxuyaniya xwe ya ji hesabê xwe yê X de êrîşa dawî ya rejîma sîyonîst a li ser Îranê bi gotinên herî tund şermezar kir.

Çelîk tekez kir ku ev êrîş ne rewa ye û ne jî mafdar e û got, "Ev êrîşeke barbar e."

Çelîk, diyar kir ku Serokkomar Recep Tayyip Erdogan diyar kiriye ku divê hemû cîhan bala xwe bide hişyariyên hikûmeta Netanyahu yên derbarê kiryarên wê yên qirkirinê de, diyar kir ku tevî zextên navneteweyî yên li ser Xezzeyê yên zêde, rejîma sîyonîst bi vê êrîşê hewl dide ku balê ji kiryarên xwe yên qirkirinê dûr bixe.

Çelîk destnîşan kir ku ev êrîş, ku di demekê de ku danûstandinên navokî yên di navbera Emrîka û Îranê de berdewam dikirin, pêk hat, careke din nêzîkatiya dijminane ya rejîma sîyonîst li hember hemî hewildanên dîplomatîk eşkere kir û got ku êrîşkariya rejîma sîyonîst ne tenê ji bo herêmê, lê ji bo tevahiya cîhanê tehdîdek cîddî ye.

Çelîk bang kir ku "Divê hemû cîhan li dijî vê yekê tedbîrên berbiçav ên hevpar bigire." (ÎLKHA)