13 oC 
Güneşli
ئەبو عوبەیدە وتەبێژی کەتائیبی قەسام لقی سەربازی بزووتنەوەی حەماس، پابەندبوونی پتەوی بەرخۆدانی فەلەستینی بە رێککەوتنی ئاگربەست راگەیاند.
ئەبو عوبەیدە وتەبێژی کەتائیبی قەسام لقی سەربازی بزووتنەوەی حەماس لە دڵی کەناری غەززی گەمارۆدراوەوە قسەی کرد، جەختی لەسەر سروشتی مەرجداری ئەم پابەندبوونە کردەوە، کە بەندە بە ڕێزگرتنی بەرامبەری رژێمی داگیرکەر بۆ مەرجەکان.
ئەبو عوبەیدە وتی، "ئێمە و لایەنە بەرخۆدانەکان پابەندبوونی تەواومان بە رێککەوتنی ئاگربەست رادەگەیەنین، هاوکات جەخت لەوە دەکەینەوە کە هەموو ئەمانە پەیوەستە بە پابەندبوونی دوژمنەوە."
ناوبراو هۆشداریشی دا کە بەردەوامیی داگیرکردنی خاکی فەلەستین لەلایەن رژێمی داگیرکەرەوە نەک هەر ئاڵۆزییەکان زیاتر دەکات بەڵکو تەواوی ناوچەکە و دەرەوەی وڵاتیش ناسەقامگیری دەکات. ناوبراو وتی، "بەردەوامی داگیرکردنی خاکەکەمان کاریگەری لەسەر تەواوی ناوچەکە و جیهان دەبێت."
ئەبو عوبەیدە باسی لەوە کرد بەناو سەرۆک وەزیرانی رژێمی داگیرکەر بنیامین نەتانیاهۆ زیاتر لە ساڵێکە درێژە بە شەڕی جینۆساید دەدات و ئەمەش دەبوو هۆی ئەوەی کە ئاگربەست دوابخرێت.
ئەبو عوبەیدە تێکۆشانی بەرخۆدانی بە "ڕووبەڕووبوونەوەیەکی نایەکسان" لە دژی هێزێک کە هەم لە ئەخلاقی شەڕکردن و هەم لە ئەخلاقدا نییە، وەسف کرد. ناوبراو تیشکی خستە سەر شەهیدبوونی سەرکردە باڵاکانی حەماس، ئیسماعیل هەنییە، ساڵح ئەلعەروری و یەحیا سنوار، کە لە تاران، بەیروت و غەززە شەهیدبوون، وەک بەڵگەیەک لەسەر فیداکاری و پابەندبوونی ئەو گرووپە بە ئامانجەکە.
وتەبێژەکە هەروەها سوپاس و پێزانینی خۆی بەرامبەر هاوپەیمانانی ناوچەکە دەربڕی و دانی بە پشتیوانی و قوربانیدانی انصارالله-ی یەمەن و حزب الله-ی لوبنان و بەرخۆدانی ئیسلامی لە عێراق و "برایانی ئوردن کە سنوورەکانیان لەگەڵ داگیرکەردا بەزاندووە" دەربڕی. جەختی لە یەکگرتوویی و خەباتی هاوبەش لە سەرانسەری نەتەوە عەرەب و ئیسلامییەکان کردەوە و رایگەیاند "ئێمە لە ئێوەین، ئێوەش لە ئێمەن".
ئەبو عوبەیدە لە کۆتایی قسەکانیدا دووپاتیکردەوە کە رژێری داگیرکەر "ڕەگی هەموو کارەساتەکانی ناوچەکەیە."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
وەقفی ئەڤیندارێن پێغەمبەر بۆ پیرۆزبایی لە بەرخۆدانی فەلەستین پەیامێکی لە دیاربەکرەوە بۆ غەززە نارد.
مەسعود بارزانی سەرۆکی گشتی پارتی دیموکراتی کوردستان پێشوازی لە دەستەی سەرۆکایەتیی ئەنجوومەنی نیشتیمانیی کورد لە سووریا دەکات.
زەکەریا یاپجیئۆغلو سەرۆکی گشتی هودا پار وتی، "دەبێت چارەسەرکردنی پرسی کورد پابەند بە هیچ مەرجێک نەکرێت و نکرێتە بابەتی دانوستان."
