وەزارەتی کارەبای هەرێمی کوردستان ڕاگەیاند، "کارەبای بەردەوام بۆ لەسەدا ٩٠ی هاوبەشان دابین کراوە و ٦ هەزار موەلیدە کوژێنراونەتەوە."

وەزارەتی کارەبای هەرێمی کوردستان ڕاگەیاند، "لەپێناو ڕێکخستنەوەی تۆڕی کارەبا و کەمکردنەوەی بارگرانی لەسەر هاووڵاتییان، توانراوە پرۆژەکانی بەرهەمهێنان، گواستنەوە و دابەشکردنی کارەبا بەرفراوان بکرێن، کە دەرئەنجامەکەی کوژاندنەوەی ٦ هەزار موەلیدە و زیادبوونی بەرچاوی کاتەکانی پێدانی کارەبای نیشتمانی بووە لە سەرانسەری هەرێمی کوردستان."

لە بەردەوامی ڕاگەیەندراوەکە هاتووە، "یەکەم: لە سێکتەری بەرهەمهێنانی کارەبا ١٩٧٤ مێگاوات کارەبای تازە، لەم وێستگانەی خوارەوە بەرهەم هێنرا:

١- لە وێستگەی خورماڵە (٥٠٠ مێگاوات).

٢- وێستگەی هەڵمیی خەبات (٣٠٠ مێگاوات).

٣- وێستگەی گەرمیان (١٦٥ مێگاوات).

٤- وێستگەی بازیان (٧٥٠ مێگاوات).

٥- وێستگەی دێرەلۆک (٣٨ مێگاوات).

٦- لە وێستگەکانی هەولێر، سلێمانی، دهۆک (٨٧ مێگاوات).

٧- لە وزەی خۆر: ١٣٤ مێگاوات لە سەرانسەری هەرێمی کوردستان.

دووەم: لە سێکتەری گواستنەوەی کارەبا توانیمان ٦١ پرۆژە ئەنجام بدەین بە گوژمەی ٣٧٢.٨٤ ملیۆن دۆلار

١- لە هەولێر و سۆران: ٣١ پرۆژە، بە گوژمەی ٢٣٣.٧٢ ملیۆن دۆلار.

٢- لە دهۆک و زاخۆ: ٨ پرۆژە، بە گوژمەی ٤٠.١٣ ملیۆن دۆلار.

٣- لە سلێمانی، هەڵەبجە، گەرمیان و ڕاپەرین: ٢٢ پرۆژە، بە گوژمەی ٩٨.٩٩ ملیۆن دۆلار.

سێیەم: لە سێکتەری دابەشکردنی کارەبا توانیومانە ٣٨٨٠ پرۆژە ئەنجام بدەین بە گوژمەی ٢٥٩.٢٧ ملیار دینار

١- لە هەولێر و سۆران : ١١٢٥ پرۆژە، بە گوژمەی ١٠٩.٧٤٢ ملیار دینار.

٢- لە دهۆک و زاخۆ : ٥٣١ پرۆژە، بە گوژمەی ٣٥.٢٣٩ ملیار دینار.

٣- لە سلێمانی، هەڵەبجە، گەرمیان و ڕاپەرین: ٢٢٢٤ پرۆژە، بە گوژمەی ١١٤.٢٨٦ ملیار دینار.

٤- گەیاندنی کارەبا بۆ ٥٧٥.٠٠٠ هاوبەشی کارەبای تازە.

٥- دابینکردنی کارەبای بەردەوام بۆ لە ٩٠ لەسەدی هاوبەشانی کارەبا لە هەرێمی کوردستان.

٦- کوژانەوەی ٦٠٠٠ موەلیدە لەناو گەڕەکەکان.

٧- لابردنی زیاتر لە ٦٢٦٨٨ سەرپێچیکار لەسەر تۆڕی کارەبای هەرێمی کوردستان.

٨- هەموارکردنەوەی گرێبەستەکانی بەرهەمهێنانی کارەبا، لە ئەنجامدا ساڵانە زیاتر لە ٣٠٠ ملیۆن دۆلار بۆ گەنجینەی حکومەتی هەرێمی کوردستان گەڕایەوە."(İLKHA)