فاروق دینچ پەرلەمانتاری هودا پار وتی، "رژێمی تیرۆری سەهیۆنی بەردەوامە لە وێرانکاری لە غەززە و ڕێگریکردن لە هاوکارییەکان و فراوانکردنی سنوورەکان لە ژێر بەهانەی 'ئەمنیەت."

فاروق دینچ پەرلەمانتاری هودا پار لە پەرلەمانی تورکیا کۆنفڕانسێکی میدیایی ڕێکخست و باس لە چەند پرسێکی گرنگی ڕۆژەڤی تورکیا و دەرەوەی وڵات کرد.

ناوبراو باس لە قەیرانی مرۆیی لە غەززە کرد و ئاماژەی بەوە کرد کە لە ئەنجامی هێرشەکاندا کە زیاتر لە ٢ ساڵە بەردەوامە دەیان هەزار ئافرەت و منداڵ و مەدەنی گیانیان لەدەستداوە.

دینچ باسی لەوە کرد کە وڵاتانی جیهان بە تایبەتی جیهانی ئیسلام لە ڕێگرتنی جینۆسایدەکە شکەستیان خواردووە و وتی، "لەگەڵ خراپتربوونی بارودۆخی زستان لە غەززە، ڕۆژانە کۆرپە بەهۆی سەرما و برسێتی و نەخۆشییەوە دەمرن. پەتاکان خەریکە تەشەنە دەکەن و هەزاران خێمەی کاتی بەهۆی بارانبارینەوە ژێرئاوکەوتوون. سەدان هەزار کەس هیچ شوێنێکی ئەمنیان نییە بۆ پەنابردن، لە کاتێکدا رژێمی تیرۆریستی سەهیۆنی ڕێگری لە چوونە ژوورەوەی خێمە و یارمەتییە سەرەتاییە مرۆییەکان بۆ ناوچەکە دەکات. ئەو کۆمەڵکوژییەی دوێنێ بە بۆمب ئەنجامدرا، ئەمڕۆ گۆڕاوە بۆ فۆرمێکی تری جینۆساید، کە لە ڕێگەی برسێتی و بێ ماڵ و حاڵەوە ئەنجام دەدرێت."

"رژێمی تیرۆری سەهیۆنی بەردەوامە لە وێرانکاری لە غەززە"

دینچ ڕاگەیاند کە لەگەڵ ئەوەی ئاگربەست ڕاگەیەندراوە بەڵام کۆمەڵکوژی بەردەوامە و وتی، "وڵاتانی گەرەنتیکار و نێوەندگیر کە شانازی بە ڕاگرتنی شەڕەکە دەکەن، لە بەرامبەر دۆخەکەی نوێی و بێ دەنگی جینۆساید بۆ چی دەستبەکار نابن؟ بەڵام رژێمی تیرۆری سەهیۆنی بەردەوامە لە وێرانکاری لە غەززە و ڕێگریکردن لە هاوکارییەکان و فراوانکردنی سنوورەکان لە ژێر بەهانەی 'ئەمنیەت."

ناوبراو لە کۆتاییدا جەختی لەوە کرد کە دەبێت غەززە هەموو کاتێک لە ڕۆژەڤدا بێت و وتی، "پێویستە لە دژی ئەو جینۆسایدە بێینە سەر شەقام کە ئەمجار لە شوێنی بۆمبەکان لە ڕێگەی برسێتی و بێ ماڵ و حاڵەوە ئەنجام دەدرێت، و فشارێکی پتەو و بەردەوام بخەینە سەر حکومەتەکان بۆ ئەوەی هەنگاوی کۆنکرێتی بنێن."(İLKHA)