بەرخۆدانی بەرەی بەرخۆدان لە کەناری غەززە بەردەوامە و لە رەفەح ئۆتۆمبێلێکی سەربازی کە ٨ داگیرکەر تێدابوون لەناوبڕا.

بەگوێرەی هەواڵە میدیا عیبریەکان، هەواڵەکان لە بارەی ڕووداوێکی سەختی ئەمنی لە باشووری کەناری غەززە دەستیان بە بڵاوبوونەوە کردووە، کە کۆپتەرەکان کوژراو و بریندارەکانیان چۆڵکردووە.

بە پێی ڕاپۆرتی ماڵپەڕی "هەدشۆت بازمان"، لە نزیک کاتژمێر ٠٥:٠٠ی سەرلەبەیانی لە غەززە، مووشەکێکی دژە مرۆیی بەر زرێپۆشێک کە ٨ سەرباز و ئەفسەری سەهیۆنی تێدابوو، لە غەززە کەوتە خوارەوە و بەو هۆیەوە ئۆتۆمبێلەکە تێکشکێندرا و هەموو ئەوانەی لە ناویدا بوون کوژران.

لە هەواڵەکەدا ئاماژە بەوە نەکراوە کە کام گروپی بەرخۆدان چالاکییەکەیان ئەنجامداوە. تا ئێستا هیچ بەرپرسیارێتی لەلایەن گروپەکانی خۆڕاگرییەوە سەبارەت بەو رووداوە نەکراوە.

لە لایەکی دیکەوە کەتائیبی قەسام و گروپەکانی خۆڕاگری بەردەوامن لە ڕووبەڕووبوونەوەی هێزەکانی داگیرکەر لە ناوچە داگیرکراوەکانی کەناری غەززە لە چوارچێوەی ئۆپڕاسیۆنی تۆفانی ئەقسا کە ماوەی ٢٥٣ ڕۆژە بەردەوامە.

هەر لەو چوارچێوەیەدا کەتائیبی قەسام رایانگەیاند کە لە رۆژدا موجاهیدەکانیان بە مووشەکێکی یاسین ١٠٥ لە ناوچەی تل ئەلسوڵتان لە گەڕەکی سعودیە لە ڕۆژئاوای شاری رەفەح بە بولدۆزەری سەهیۆنی D9 داوە.

هەروەها لیوای شەهیدانی ئەقسا رایگەیاند کە ئۆتۆمبێلێکی سەربازی سەر بە سوپای دوژمن بە تۆپێکی تۆپخانەی RPG لە هەمان ناوچە کراوەتە ئامانج.(İLKHA)