بەرنامەی جیهانی خۆراک راگەیاند کە دۆخی بازارەکانی غەززە زۆر دەردناکە و بەهۆی گەماڕۆ و جینۆسایدی رژێمی داگیرکەر بۆ سەر فەلەستینییەکان نرخی خۆراک زۆر بەرز بووە.

لە راگەیەندراوی بەرنامەی جیهانی خۆراکدا هاتووە، "خواردنی تازە و هێلکە و گۆشت نزیکە لە بەردەست نەبن و نرخەکانیش ئاستێکی پێوانەیی تۆمارکردووە."

بەرنامەی جیهانی خۆراک داوای کرد کە رێگەیان پێبدرێت بگەنە ئەو فەلەستینیانەی کە زۆرترین پێویستیان پێیەتی و رایگەیاندووە "نەبوونی یارمەتی ژیان بۆ خانەوادەکان قورستر دەکات."

لەم دواییانەدا رێکخراوە نێودەوڵەتییەکان و نەتەوە یەکگرتووەکان هۆشدارییان داوە کە بەهۆی بەردەوامی جینۆساید و هێرشە سەربازییە هاوکاتەکان لە ٥ی تشرینی یەکەمەوە ٢٠٢٣ەوە بە فەرمی برسێتی لە باکووری کەرتی غەززە ڕادەگەیەنرێت.

دەستنیشان کرا کە گەمارۆ رێگری لە هاتنی خۆراک و ئاو و دەرمان بۆ ناوچەکە کردووە.

لە چەند هەفتەی رابردوودا قەیرانێکی راستەقینە لە ناوچەکانی ناوەڕاست و باشووری کەناری غەززە دەستیپێکردووە، بەهۆی ئەوەی بازاڕەکان و ماڵی خێزانە فەلەستینییەکان ئارد و خۆراکە سەرەتاییەکان تەواوبوون.

خێزانەکان ناچارن ئاردی تێکچوو بەکاربهێنن و بەدوای بەدیلێکی ناتەندروستدا بگەڕێن بۆ خۆراک. (İLKHA)