عامر قەواس و حوسام ئەبو غەزالە کە دوای ئەنجامدانەوەی ئۆپڕاسیۆنێکی چەکدارانە لە دژی سەربازەکانی داگیرکەر شەهید بوبوون تەرمەکانیان رادەستی خانەوادەکانیان کرا.

وەزارەتی دەرەوەی ئوردن راگەیاند کە تەرمی هەردوو شەهید لە لایەن هێزەکانی داگیرکەر رادەست کراوە.

لە ١٨ی مانگی تشرینی یەکەم دوو ئوردنی بە ناوەکانی قەواس و ئەبو غەزالە سنووری ئوردنیان تێپەڕاندبوو و لە خاکەکانی داگیرکراو دوو سەربازی داگیرکراویان بریندار کردبوو. شەهیدەکان بۆ وڵامدانەوە بە هێرشەکانی رژێمی داگیرکەر ئەم ئۆپڕاسیۆنەیان ئەنجام دابوو.

باڵیۆز سوفیا قودە وتەبێژی فەرمی وەزارەتی دەرەوەی ئوردن راگەیاند کە تەرمی شەهیدەکان وەرگیراوە و بۆ بەخاک سەپاردن رادەستی خانەوادەکانیان کراوە.

حەیسەم ئەبو غەزالە برای شەهید لە هەژمارەی خۆی لە تۆڕی کۆمەڵایەتی راگەیاند، "شەوێکی دژوار بوو. باوکم، مامەکانم و منیان لە خانوو برد و نەمان دەزانی بۆ چییە. زۆر سەرسام بووین بەوە کە ئێمەیان بردە شوێنێک کە هیچ پەیوەندی نەبوو... لە گۆڕستان سەحاب بووین و تەرمەکانیان رادەستی ئێمەیان کرد و لەوێ ماڵئاواییمان کرد. یەکەم جار کە چوومە ناو گۆڕەکە بۆنێکی زۆر خۆش لە حوسام دەهات. مەراسیمێکی بەخاک سەپاردن شایەنی تۆ بوو... بەڵام تۆ لەگەڵ پەروەردگارماندایت، باشترین و بەخشندەترین، خوای گەورە قبوڵت بکات."(İLKHA)