لە ئەنجامی هێرشەکانی سوپای داگیرکەری سەهیۆنی بۆ سەر کەناری غەززە ١٩٦ ڕۆژنامەنووس شەهید بوون.

ئۆفیسی میدیایی حکومەتی غەززە راگەیاند، لە ئەنجامی هێرشی سوپای داگیرکەر بۆ سەر نوسەیرات لە ناوەڕاستی کەناری غەززە ئەحمەد لەوح کامیرامانی کەناری ئەلجەزیرە شەهید بوو.

بە پێی راگەیەندراوەکە، دوای شەهادەتی لەوح ژمارەی ڕۆژنامەنووسە شەهیدەکان گەشتە ١٩٦ کەس.

لە راگەیەندراوەکە باس لەوە کرا کە بەرپسی کوژرانی لەوح وڵاتی ئەمریکا، بەریتانیا، ئەلمانیا و فەڕەنسایە کە هاوکاری جینۆساید دەکەن.

لە بەیاننامەکەدا داوا لە کۆمەڵگەی نێودەوڵەتی و رێکخراوە نێودەوڵەتییەکانی پەیوەست بە ڕۆژنامەگەری لە جیهاندا کراوە کە فشار بخەنە سەر رژێمی داگیرکەر بۆ ئەوەی لە دادگا نێودەوڵەتییەکان سکاڵای یاسایی لەسەر ڕژێمی داگیرکەر لەسەر تاوانەکانی تۆمار بکرێت و تاوانی جینۆساید و کوشتن و تیرۆرکردنی ڕۆژنامەنووسانی فەلەستینی رابگرێت.(İLKHA)