وەقفی یەتیمەکان بۆ هاوکاری تەندروستی لە کەناری غەززە تیمێکی تەندروستی ناردبوو غەززە و تیمەکە دەستبەکار بوو.

وەقفی خێرخوازی یەتیمەکان کە ناوەندەکەی لە دیاربەکر بەردەوامە لە چالاکییەکانی خێرخوازی لە ناو وڵات و دەرەوەی وڵات. لە ئەنجامی چالاکییەکاندا وەقفەکە تیمی پزیشکی ناردە کەناری غەززەی کە لە ژێر هێرشەکانی توندی رژێمی داگیرکەری سەهیۆنیدایە.

هەروەها تیمەکان وێنەیان لەو ناوچەیانە لە غەززە گرتووە کە وێرانکارییەکی زۆریان تێدا رووی داوە وتەرمی شەهیدەکان و ئەو خەم و پەژارەیان تۆمار کردووە کە کەسوکاریان هەستیان پێکردووە.

پسپۆڕی نەشتەرگەری گشتی دکتۆر عومەر فاروق ئایدۆغان پزیشکی تیمەکەی وەقفی یەتیمەکان لە لێدوانەکەیدا لە خان یونسەوە رایگەیاندووە، دۆخی گشتی غەززە مەترسیدارە.

ئایدۆغان وتی، "برسێتی هەیە، دەستڕاگەیشتن بە خواردن سنووردارە، شاری چادر دانراون، بەڵام سووتەمەنی و کارەبا و ئینتەرنێت نییە، هەوڵی کوشتنی گەلێک دەدەن بە برسێتی. داوا لە هەموو وڵاتانی ئیسلامی بەتایبەت تورکیا دەکەم، بۆ ئەوەی هەستیار بن لەبارەی غەززە. منداڵان بە پێی ڕووت دەڕۆن، ژنان لە دۆخێکی سەختدان."

وەقفی یەتیمەکان رایگەیاند کە ئەو تیمەی کە باسی لێوە دەکرێت بەرەو هەزاران کەس بەڕێکەوتوون کە چاوەڕێی نەشتەرگەری و چارەسەرن لە غەززە، هەروەها داوای لە خێرخوازان کردووە هاوکاری غەززە بکەن.(İLKHA)