ئیمارەتی ئیسلامی ئەفغانستان لە راگەیاندێک راگەیاند، "وەزارەتی دەرەوەی ئیمارەتی ئیسلامی ئەفغانستان سوپاس و پێزانینی خۆی بۆ هەوڵەکانی وڵاتانی نێوەندگیری بەتایبەتی قەتەر و میسر دەردەبڕێت."

وەزارەتی دەرەوەی ئیمارەتی ئیسلامی ئەفغانستان سەبارەت بە رێککەوتنی ئاگربەست لە کەناری غەززە پەیامێکی بڵاو کردەوە.

تەواوی دەقی پەیامەکەی وەزارەتی دەرەوەی ئیمارەتی ئیسلامی ئەفغانستان:

"وەزارەتی دەرەوەی ئیمارەتی ئیسلامی ئەفغانستان وێڕای پێشوازیکردن لە ئاگربەستی نێوان بزووتنەوەی خۆڕاگری ئیسلامی (حەماس) و رژێمی داگیرکەری ئیسرائیل، سوپاس و پێزانینی خۆی بۆ هەوڵەکانی وڵاتانی نێوەندگیری بەتایبەتی قەتەر و میسر دەردەبڕێت.

ئەم ڕێککەوتنە ئاگربەستە دەرئەنجامی بەرگەگرتنی ئەفسانەیی گەلی فەلەستین و خەبات و قوربانیدانی مێژوویی گەلی ئازا لە کەناری غەززە بۆ زیاتر لە پانزە مانگە. ئیمارەتی ئیسلامی ئەفغانستان پیرۆزبایی ئەم دەستکەوتە گەورەیە لە سەرکردایەتی بەرخۆدانی ئیسلامی و گەلی سەبور لە فەلەستین دەکات.

ئێستا پێویستە هەموو قۆناغەکانی ڕێککەوتنەکە بە تەواوی جێبەجێ بکرێت بۆ ئەوەی ئاگربەستەکە بەردەوامی بێت و دەستبەجێ هاوکارییە مرۆییەکان بگەیەنرێتە خەڵکی غەززە. بە لەبەرچاوگرتنی ئەنجامی ڕێککەوتنەکانی پێشوو، لایەنە پەیوەندیدارەکان و کۆمەڵگەی نێودەوڵەتی دەبێت گەرەنتی ئەمە بدەن کە رژێمی ئیسرائیل ئەرکەکانی خۆی جێبەجێ دەکات.

ئاشتی و ئارامی درێژخایەن لە ڕۆژهەڵاتی ناوەڕاستدا تەنیا لە ڕێگەی چارەسەری ڕەوا بۆ پرسی فەلەستین و سەربەخۆیی گەلی فەلەستین بەدی دێت.

ئیمارەتی ئیسلامی ئەفغانستان وەک نوێنەری گەلی ئەفغانستان وەک لە رابردوودا بەردەوامە لە پشتیوانی لە دەوڵەت و نەتەوەیەکی سەربەخۆی فەلەستین."(İLKHA)