دۆنالد ترامپ سەرۆکی ئەمریکا ئارەزۆی خۆی بۆ گواستنەوەی فەلەستینییەکان لە غەززە بۆ "شوێنەکانی ئەمنتر" وەک میسڕ و ئوردن دووبارە کردەوە و راگەیاند کە لە قۆناغێکی نزیکدا لە واشنتۆن لەگەڵ بنیامین نەتانیاهۆ بەناو سەرۆک وەزیرانی رژێمی داگیرکەر دیدار دەکات.

ترامپ ڕۆژی شەممە بیرۆکەی "پاککردنەوەی" غەززەی خستەڕوو دوای هێرشە داگیرکەرییەکان کە کەناری غەززەییان کردە خاکێکی "وێرانکراو". ترامپ شەوی ڕابردوو قسە فەزیحەییەکانی خۆی دووبارە کردەوە کاتێک پەیامنێران لە بەرنامەی ئایر فۆرس یەکدا لەم بارەیەوە پرسیاریان لێکرد.

ترامپ باسی لەوە کرد کە فکرەکەی لەمبارەیە نەگۆڕیوە و "دەمەوێت ئەوان لە ناوچەیەک دوور لە شەڕ و توندتیژی بژین."

ترامپ وتی، "کاتێک تەماشای کەناری غەززە دەکەین دەبینین کە ساڵانێکی درێژە ئەوێ ئەو دۆزەخە" و بەم قسەیانە چاوەکانی لە بەرامبەر هێرشەکانی رژێمی داگیرکەر داپۆشی.

هەروەها ترامپ باسی لەوە کرد کە نەتانیاهۆ لە قۆناغێکی نزیکدا بۆ دیدار لەگەڵی دەچێتە ئەمریکا.

ترامپ باسی لەوە کرد، لەگەڵ عبدالله-ی سێیەم شای ئوردن و عبدالفتاح سیسی سەرۆکی میسڕ کە ناڕەزایەتیان دەربڕیبوو لە بەرامبەر داواکەی ترامپ دیداری کردووە.

ترامپ سەبارەت بە سیسی باسی لەوە کرد کە "هیوادارم بەشێک لەوان وەرگرت. ئێمە زۆر هاوکاری ئەوانمان کرد. باوەڕ دەکەم ئەویش هاوکاری ئێمە دەکات. وەک دەڵێن ناوچەیەکی زۆر دژوارە بەڵام من باوەڕ دەکەم ئەم شتە ئەنجام دەدەن، هەروەها باوەڕ دەکەم شای ئوردنیش ئەمە ئەنجام دەدات."

گەڕانەوە بۆ باکووری کەناری غەززە بەردەوامە

حکومەتی غەززە راگەیاند کە زیاتر لە ٣٠٠ هەزار فەلەستینی کە بەهۆی هێرشەکانی رژێمی داگیرکەری سەهیۆنی ئاوارە بوبوون گەڕانەوە باکووری کەناری غەززە و هێشتا گەڕانەوەی فەلەستینییەکان بەردەوامە.

گەلی غەززە باسیان لەوە کرد کە پلانەکانی کۆچی زۆرەملێ بۆ باشووری غەززە یان دەرەوەی فەلەستین "شەکەستی هێناوە."(İLKHA)