لە ئەنجامی رێککەوتنی ئاگربەست لە نێوان رژێمی داگیرکەری سەهیۆنی و حەماس ئەمڕۆ ٣ ئەسیری داگیرکەر ئازاد دەکرێن. لە بەرامبەردا رژێمی داگیرکەر ١٨٣ ئەسیری فەلەستین ئازاد دەکات.

چوارەم ئاڵوگۆڕی ئەسیر لە نێوان رژێمی داگیرکەری سەهیۆنی و حەماس ئەمڕۆ بەڕێوە دەچێت.

کەتائیبی قەسام لقی سەربازی بزووتنەوەی خۆڕاگری ئیسلامی فەلەستین حەماس ٣ ئەسیری داگیرکەر بە ناوەکانی عوفەر کالدەرۆن تەمەن ٥٤ ساڵە، کەتی سیێگەل تەمەن ٦٥ ساڵە و یاردەن بیباس تەمەن ٣٥ ساڵە ئازاد دەکات.

لە بەرامبەردا رژێمی داگیرکەری سەهیۆنی ١٨٣ ئەسیری فەلەستینی ئازاد دەکات.

بە پێی رێککەوتنەکە دەبوا رژێمی داگیرکەر ٩٠ ئەسیری فەلەستینی ئازاد بکات. بەڵام رژێمی داگیرکەر ژمارەی ئەسیرەکانی کە بڕیارە ئازادی بکات دوو ئەوەندە زیادی کردووە.

دەستنیشان کرا، ٨١ لە ئەسیرەکانی کە بڕیارە ئازاد بکرێن سزای زیندانیبوونی قورسیان بە سەر سەپێندراوە و ٩یان سزای زیندانیبوونی هەتاهەتایان بە سەر سەپێندراوە.

٧ کەس لە ئەسیرەکان کە سزای زیندانیبوونی هەتاهەتایان وەرگرتبوو دووردەخرێنەوە بۆ دەرەوەی فەلەستین.

لە ١٩ مانگی کانوونی دووەمەوە حەماس ١٠ ئەسیری داگیرکەر و ٥ تایلەندی ئازاد کردووە و لە بەرامبەردا رژێمی داگیرکەری سەهیۆنی ٤٠٠ ئەسیری فەلەستینی ئازاد کردووە.

رێککەوتنی ئاگربەست لە ٣ قۆناغی ٤ هەفتەیی پێک هاتووە.

لە قۆناغی یەکەمدا کە ٤٢ ڕۆژ دەخایەنێت ٣٣ داگیرکەر ئازاد دەکرێن.

لە بەرامبەردا رژێمی داگیرکەر بۆ هەر ئافرەتێکی سەربازی سەهیۆنی ٥٠ و بۆ هەر ئەسیرێکی بەناو مەدەنی ٣٠ ئەسیری فەلەستینی ئازاد دەکات.(İLKHA)