ئەمریکای داگیرکەر بوونی سەربازی خۆی لە ڕۆژهەڵاتی ناوەڕاست زیاد دەکات
13 oC
13 oC
Güneşli
13 oC
Güneşli
شۆن پارنێل وتەبێژی پنتاگۆن راگەیاند، ئەمریکا بوونی سەربازی خۆی لە ڕۆژهەڵاتی ناوەڕاست زیاد دەکات و مەبەست لەمەش "پاراستنی بەرژەوەندییەکانی ئەمریکایە."
پارنێل ئاماژەی بەوەشکردووە، لەسەر ڕێنمایی پیت هایگسیت وەزیری بەرگری کەشتی فڕۆکەهەڵگری یو،ئێس،ئێس هاری س. ترومان بەردەوام دەبێت لە ئۆپڕاسیۆنەکانی لە ناوچەکە و کەشتی فڕۆکە هەڵگری یو،ئێس،ئێس کارل ڤینسۆن دوای تەواوکردنی مەشقەکانی لە ناوچەی هیندستان-ئاسیای هێمن ئاراستەی هەمان هەرێم دەکرێت.
هەروەها باس لەوە کرا، کەشتی یو،ئێس،ئێس نیمیتز ئەرکی خۆی لە ڕۆژئاوای زەریای هێمن دەستپێکردووە و لە ناوچەکەدا جێگیر دەکرێت بۆ پاراستنی باڵادەستی سەربازی ئەمریکا.
پارنێل هەروەها رایگەیاند کە وەزیری بەرگری هایگسیت فەرمانی داوە کە فڕۆکەی جەنگی و توخمەکانی هێزی ئاسمانی زیادە بۆ ناوچەکە جێگیر بکرێن بە مەبەستی زیادکردنی توانای بەرگری ئاسمانی لە ناوچەکەدا. بەڵام هیچ وردەکارییەک نەخراوەتەڕوو کە چ جۆرە فڕۆکەیەک دەنێردرێت.
بەرپرسانی ئەمریکا رایانگەیاند، لانیکەم ٤ فڕۆکەی بۆمبڕێژکەری ستراتیژی B-2 ڕەوانەی دوورگەی دیێگۆ گارسیا لە زەریای هیندی کراون. ئەم فڕۆکانە دەتوانن لە نزیکەوە هێرش بکەنە سەر یەمەن و ئێران.
پنتاگۆن دووپاتی کردەوە کە ئەمریکا و هاوپەیمانەکانی ئامادەن بۆ بەرپەرچدانەوەی هێرشەکانی هەر دەوڵەتێک یان گروپێکی چەکدار کە هەوڵی تێکدانی سەقامگیری ڕۆژهەڵاتی ناوەڕاست دەدەن و ڕێبازی ڕێگری لە هەر هەڕەشەیەک دەگرنەبەر.
پیت هایگسیت، وەزیری بەرگری ئەمریکا لە بەیاننامەیەکی پێشووتردا رایگەیاندبوو، ئەگەر ئێران ببێتە هەڕەشە بۆ سەر هاوڵاتی یان بەرژەوەندییەکانی ئەمریکا، ئەمریکا "هەنگاوی یەکلاکەرەوە و توند" دەگرێتەبەر.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئێران بە توندی ئیدانەی هێرشەکانی رژێمی داگیرکەری سەهیۆنی بۆ سەر چەند ناوچەیەکی سوریا کرد.
بەهۆی گەردەلوول لە ناوەڕاست و باشووری ئەمریکا کەسێک گیانی لەدەستدا و ١٠ کەسیش بریندار بوون.
وەزارەتی تەندروستی فەلەستین راگەیاند کە ژێرخانی تەندروستی بەهۆی هێرش و گەمڕۆ رژێمی سەهیۆنی نزیک بە تەواوی داڕماوە و داوای لە کۆمەڵگەی نێودەوڵەتی کرد بەپەلە دەستێوەردان بکات و سەرنجی بۆ داڕمانی سیستەمی تەندروستی لە غەززە راکێشا.
بزووتنەوەی خۆڕاگری ئیسلامی فەلەستین حەماس ناڕەزایەتی دەربڕی لە بەرامبەر هێرشەکانی رژێمی داگیرکەر بۆ سەر یەمەن و سوریا.
