دۆنالد ترامپ سەرۆکی ئەمریکا لە ئەنجامی "باجی بەرامبەر" دوو فەرمانی واژۆ کرد و لانیکەم باجی سەر وڵاتەکان لە سەدا ١٠ زیاد کردەوە.

دۆنالد ترامپ سەرۆکی ئەمریکا لە ئەنجامی وتارێک لە کۆشکی سپی باجەکانی نوێی راگەیاند.

بە پێی راگەیەندراوی ترامپ، حکومەتی ئەمریکا لە بەرهەمەکانی چینی لە سەدا ٣٤ و لە بەرهەمەکانی یەکێتی ئەوروپا لە سەدا ٢٠ باج وەردەگرێت.

بە پێیراگەیەندراوی ترامپ، لە سەدا ٣٤ لەسەر بەرهەمەکانی چین، لە سەدا ٢٤ لەسەر بەرهەمەکانی ژاپۆن، لە سەدا ٣٩ لەسەر بەرهەمەکانی عێراق، لە سەدا ٤١ لەسەر بەرهەمەکانی سووریا، لە سەدا ١٠ لەسەر بەرهەمەکانی تورکیا، لە سەدا ١٠ لە سەر بەرهەمەکانی ئێران، لە سەدا ٢٠ لە سەر بەرهەمەکانی وڵاتانی ئەندام لە یەکێتی ئەورووپا، لە سەدا ٤٦ لەسەر بەرهەمەکانی ڤێتنام، لە سەدا ٣٢ لە سەر بەرهەمەکانی تایوان، لە سەدا ٢٤ لە سەر بەرهەمەکانی ژاپۆن، لە سەدا ٢٦ لە سەر بەرهەمەکانی هیندستان، لە سەدا ٢٥ لەسەر بەرهەمەکانی کۆریای باشوور، لە سەدا ٣٦ لەسەر بەرهەمەکانی تایلاند، لە سەدا ٣١ لەسەر بەرهەمەکانی سویسرا، لە سەدا ٣٢ لەسەر بەرهەمەکانی ئیندۆنیزیا، لە سەدا ٢٤ لەسەر بەرهەمەکانی مالیزیا، لە سەدا ١٠ لەسەر بەرهەمەکانی بەریتانیا، لە سەدا ٣٧ لەسەر بەرهەمەکانی بەنگلادیش، لە سەدا ١٧ لەسەر بەرهەمەکانی رژێمی داگیرکەر، لە سەدا ١٠ لەسەر بەرهەمەکانی بەرازیل، لە سەدا ١٠ لە سەر بەرهەمەکانی ئوسترالیا، لە سەدا ٢٩ لە سەر بەرهەمەکانی پاکستان، لە سەدا ٢٠ لەسەر بەرهەمەکانی ئوردن، لە سەدا ١٠ لەسەر بەرهەمەکانی ئیمارات، لە سەدا ١٠ لەسەر بەرهەمەکانی میسر، لە سەدا ١٠ لەسەر بەرهەمەکانی مەغریب، لە سەدا ٢٨ لەسەر بەرهەمەکانی تونس و لە سەدا ١٠ باج لەسەر بەرهەمەکانی لوبنانی دەسەپێنرێت.

ترامپ لە وتارەکەیدا وتی، "٢ی نیسانی ٢٠٢٥ بۆ هەمیشە وەک ئەو ڕۆژەی پیشەسازی ئەمریکا لەدایک بووەوە، ئەو ڕۆژەی چارەنووسی ئەمریکا وەرگیرایەوە و ئەو ڕۆژەی دەستمان کرد بە دەوڵەمەندکردنی ئەمریکا لەبیر دەکرێتەوە."

سەرەڕای ئیدیعاکانی ترامپ کە زیادکردنی باجەکان داهات بۆ حکومەت بەدەستدەهێنێت و هاندەری بەرهەمهێنانی ئەمریکا دەبێت، ئابووریناسان هۆشدارییان داوە کە ئەم جۆرە ڕێوشوێنانە دەبێتە هۆی بەرزبوونەوەی نرخ بۆ بەکاربەران و بازرگانانی ئەمریکا و بازرگانی جیهانی تێکدەدات و زیان بە ئابووری جیهانی دەگەیەنێت.(İLKHA)