دووشەممە ١٠ وڵات بە شێوەی فەرمی دان دەوڵەتی فەلەستین دەنێن
13 oC
13 oC
Güneşli
13 oC
Güneşli
١٠ وڵاتی وەک فەرەنسا، بەریتانیا، کەنەدا و ئوسترالیا بڕیاریان داوە دان بە دەوڵەتی فەلەستین بنێن.
ئیمانوێل ماکرۆن سەرۆک کۆماری فەرەنسا ڕایگەیاند کە وڵاتەکەی دان بە دەوڵەتی فەلەستین دەنێت. لە ڕاگەیەندراوێکی کۆشکی ئەلیزەدا ئاماژە بەوە کراوە کە نۆ وڵاتی دیکە هاوشانی فەرەنسا ئەم هەنگاوە دەگرنەبەر، بڕیارەکەش لە کۆنفرانسێکدا ڕادەگەیەنرێت کە لە پەراوێزی کۆبوونەوەی گشتی نەتەوە یەکگرتووەکان لە نیویۆرک بەڕێوەدەچێت.
ماکرۆن لە ڕاگەیەندراوێک لە تۆڕی کۆمەڵایەتی ئێکس ڕاگەیاند، "داننان بە دەوڵەتی فەلەستین بەشێکە لە پلانێکی تۆکمەی ئاشتی کە تێیدا هەردوو فەلەستینی و ئیسرائیلییەکان بە ئاسایش و ئاشتی دەژین."
بەگوێرەی سەرچاوەکانی کۆشکی ئەلیزە، ئەو وڵاتانەی دان بە فەلەستیندا دەنێن بریتین لە: فەرەنسا، بەریتانیا، ئوسترالیا، کەنەدا، بەلجیکا، لۆکسمبۆرگ، پورتوگال، ماڵتا، ئەندۆرا، و سان مارینۆ. ماکرۆن و محەمەد بن سەلمان شازادەی جێنشینی سعودیە بە هاوبەشی سەرۆکایەتی کۆنفرانسەکە دەکەن. بڕیارە بن سەلمان بە شێوەی ئۆنلاین بەشداری کۆبوونەوەکە بکات.
ئەم هەنگاوە ڕووبەڕووی کاردانەوەی رژێمی سەهیۆنی بووەتەوە. حکومەتی داگیرکەر بیر لە هەنگاوەکانی وەک خێراکردنی لکاندنی کەناری ڕۆژئاوا و داخستنی کونسوڵخانەی فەرەنسا لە قودس دەکاتەوە. بەگوێرەی هەواڵێکی پۆڵەتیکۆ کە بنکەکەی لە ئەمریکایە، حکومەتی داگیرکەر بیری لە "دەستبەسەرداگرتنی موڵک و ماڵی فەرەنسا لە ئیسرائیل" کردووەتەوە.
فەرەنسا بە توندی وەڵامی دایەوە. دیپلۆماتکارێکی فەرەنسی بە لۆفیگارۆی ڕاگەیاندووە، ئەگەر کونسوڵخانەی فەرەنسا لە قودس دابخرێت، پاریس دەتوانێت تۆڵەی خۆی بکاتەوە. بەڵام بەهۆی ناڕەزایەتییەکانی ئەڵمانیا و هەنگاریا، سەپاندنی سزا بەسەر رژێمی داگیرکەر لەسەر ئاستی ئەوروپا لە ئێستادا مومکین نییە.
ماکرۆن لە مانگی تەمموزی ڕابردوودا ڕایگەیاند کە وڵاتەکەی دان بە فەلەستین دەنێت و دواتر زۆرێک لە وڵاتانی ڕۆژئاوایی لەوانە بەریتانیا و کەنەدا و ئوسترالیا ڕایانگەیاند کە بڕیارێکی هاوشێوە دەدەن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە شاری جەلال ئابادی پارێزگای نەنگەرهاری وڵاتی ئەفغانستان نەخۆشخانەیەکی تایبەت بەهۆی فڕۆشتنی دەرمان بە ١٧ هێندەی نرخی ئاساییەکەی داخرا.
ڕۆژنامەی واشنتۆن پۆست لە ڕاپۆرتێکدا بڵاویکردەوە، هێرشی سەر ڕۆژنامەی ٢٦ی ئەیلوول لە شاری سەنعا، کوشندەترین هێرشە دژ بە ڕۆژنامەنووسان لە ڕۆژهەڵاتی ناوەڕاست.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٥ هەزار و ٢٠٨ کەس و ژمارەی بریندارەکانیش گەشتە ١٦٦ هەزار و ٢٧١ کەس.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٢ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٤٤٢ کەس کە ١٤٧یان منداڵن.
