لە سوودان هێرش کرایە سەر مزگەوتێک: ٧٥ کەس گیانیان لەدەستدا
13 oC
13 oC
Güneşli
13 oC
Güneşli
لە شاری فاشیری وڵاتی سوودان هێزەکانی پشتیوانی خێرا بە فڕۆکەی بێ فڕۆکەوان هێرشیان کردە سەر مزگەوتێک و ٧٥ کەس گیانیان لەدەستدا و ژمارەیەکی زۆر کەسیش بریندار بوون.
لە شاری فاشیری پارێزگای دارفووری باکووری وڵاتی سوودان هێزەکانی پشتیوانی خێرا بە فڕۆکەی بێ فڕۆکەوان هێرشیان کردە سەر مزگەوتێک.
لە ئەنجامی ئەو هێرشەی لە کاتی نوێژی بەیانی ئەنجام درا ٧٥ کەس گیانیان لەدەستدا و ژمارەیەکی زۆر کەسیش بریندار بوون.
هێرشەکە لە قۆناغێکدا ئەنجام درا کە هێزەکانی پشتیوانی خێرا هەوڵی کۆنترۆلکردنی فاشیر دەدەن.
ژووری دەسوەردانی بەپەلە کە چالاکییەکانی خێرخوازی بەڕێوە دەبات ڕاگەیاند، هێرشەکە بۆ سەر مزگەوتێک لە کەمپی ئەبو شوق لە دەرەوەی شاری فاشیری ناوەندی پارێزگای دارفووری باکوور ئەنجام دراوە.
شاری فاشیر کە نزیکەی ١٨ مانگە لە لایەن هێزەکانی پشتیوانی خێرا گەماڕۆ دراوە کۆتا ناوەندی پارێزگایە کە لە ژێر کۆنترۆلی سوپادا ماوە.
ئەگەر شارەکە لە کۆنترۆلی سوپا دەربچێت هێزەکانی پشتیوانی خێرا دەسەڵاتێکی ناوچەیی بەدەستدەهێنن.
لە وڵاتی سوودان ٣ ساڵە شەڕی ناوخۆیی بەردەوامە و دەیان هەزار کەس کوژراون و نزیکەی ١٢ ملیۆن کەسیش ئاوارە بوونەتە و قەیرانی برسێتی سەریهەڵداوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە شاری جەلال ئابادی پارێزگای نەنگەرهاری وڵاتی ئەفغانستان نەخۆشخانەیەکی تایبەت بەهۆی فڕۆشتنی دەرمان بە ١٧ هێندەی نرخی ئاساییەکەی داخرا.
ڕۆژنامەی واشنتۆن پۆست لە ڕاپۆرتێکدا بڵاویکردەوە، هێرشی سەر ڕۆژنامەی ٢٦ی ئەیلوول لە شاری سەنعا، کوشندەترین هێرشە دژ بە ڕۆژنامەنووسان لە ڕۆژهەڵاتی ناوەڕاست.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٥ هەزار و ٢٠٨ کەس و ژمارەی بریندارەکانیش گەشتە ١٦٦ هەزار و ٢٧١ کەس.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٢ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٤٤٢ کەس کە ١٤٧یان منداڵن.
