13 oC 
Güneşli
لە ئەنجامی چالاکیێکی بەرخۆدان لە ڕۆژهەڵاتی شاری رامەلڵا ٤ داگیرکەر کوژران و ٤ کەسیش بریندار بوون.
بۆمبێک لە تەنیشت ئۆتۆمبێلێکی رژێمی سەهیۆنی لە ڕێگای ئالۆن، لە نزیک گوندی ئەلموغەییر لە کەرتی ڕۆژئاوا تەقیەوە.
دوای رووداوەکە رژێمی داگیرکەر هێزەکانی ڕەوانەی ناوچەکە کرد و دەستی بە هەڵکوتان بۆ سەر ناوچەکانی جیاواز کرد.
هێزەکانی داگیرکەر هەڵکوتانە سەر چەند خانوویێک لە ناوچەکانی بەیتونیا و سەردا لە شاری رامەلڵا. لە کاتی هێرشەکەدا ٢ گەنج دەستبەسەر کران کە یەکێکیان بریندار بوو. دەستنیشان کرا کە گەنجەکان ئەندامی تیمێکی دروستکردنی مووشەک بوون.
نزیکەی هەفتەیەک لەمەوبەر چەکدارانی بەرخۆدان بە سەرکەوتوویی مووشەکیان ئاراستەی نیشتەجێبوونەکانی نزیک کفر نەعمە کرد. لەو کاتەوە سوپای رژێمی سەهیۆنی لە زۆر ناوچە هێرشەکان ئەنجام داوە بۆ دۆزینەوە ئەنجامدەرانی ئۆپڕاسیۆنەکە.
لە ماوەی هەفتەی ڕابردوودا ٨١ کردەوەی بەرخۆدان لە کەناری ڕۆژئاوا و قودسی داگیرکراو تۆمار کراوە. لە ئەنجامدا دوو داگیرکەر کوژران و چوار کەسیش بریندار بوون. ٣ هێرشی چەکداری و پێکدادان و ٢ چەقۆکێشان لە نێوان ١٢ بۆ ١٨ی ئەیلولدا ڕوویداوە.
هەر لەو ماوەیەدا چەکدارانی بەرخۆدان چوار هێرشی بۆمبڕێژکراویان ئەنجام دا. سەرباز و ئۆتۆمبێلەکانی رژێمی سەهیۆنی کرانە ئامانج. گەنجان لە کەناری ڕۆژئاوا لە چوار شوێنی جیاواز هێرشیان کردە سەر ئۆتۆمبێلی جولەکەکان. شەش هێرشی چەتەکانی جوولەکە لەلایەن خەڵکی مەدەنی و گەنجانەوە بەرپەرچدرانەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ویلایەتی واشتنۆنی ئەمریکا هەلیکۆپتێرێکی سەربازی لە کاتی مەشق و ڕاهێنان کەوتە خوارەوە و بووە هۆی مردنی ٤ سەرباز.
ترامپ بەنیازە ڕەزامەندیی کۆنگرێسی ئەمریکا بۆ فرۆشتنی کەرەستە و چەک بە رژێمی داگیرکەر بە بەهای ٦.٤ ملیار دۆلار بەدەست بهێنێت.
لە شاری جەلال ئابادی پارێزگای نەنگەرهاری وڵاتی ئەفغانستان نەخۆشخانەیەکی تایبەت بەهۆی فڕۆشتنی دەرمان بە ١٧ هێندەی نرخی ئاساییەکەی داخرا.
ڕۆژنامەی واشنتۆن پۆست لە ڕاپۆرتێکدا بڵاویکردەوە، هێرشی سەر ڕۆژنامەی ٢٦ی ئەیلوول لە شاری سەنعا، کوشندەترین هێرشە دژ بە ڕۆژنامەنووسان لە ڕۆژهەڵاتی ناوەڕاست.
