ژمارەی ئەو کەشتیانەی لە شەوی ڕابردووەوە لە لایەن رژێمی داگیرکەرەوە دەستیان بەسەردا گیراوە، گەیشتووەتە ٢٥ کەشتی و باس لەوەش کراوە کە زیاتر لە ٢٠٠ چالاکوان دەستبەسەر کراون.

هێرشەکانی رژێمی داگیرکەر و ڕاگرتنی کەشتی و بەلەمەکان لە فلۆتیلای جیهانی سومود بەردەوامە کە بۆ شکاندنی گەمارۆی غەززە چالاکی دەکرد.

بەپێی ئەو زانیارییانە بە دەستهاتووەکان، زیاتر لە ٢٠٠ چالاکوان دەستبەسەر کراون، زیاتر لە ٢٥ کەشتی دەستبەسەر کراون و هەندێکیشیان چوونەتە ناو ئاوە خاکییەکانی غەززە.

هێزە دەریاییەکانی رژێمی داگیرکەر کە فلۆتیلای جیهانی سومودیان گەمارۆ داوە کە بۆ شکاندنی گەمارۆی رژێمی داگیرکەر بۆ سەر غەززە و گەیاندنی هاوکاری مرۆیی بەرەو غەززەیە، بەردەوامن لە هێرشکردنە سەر ئەو کەشتیانە.

سەیف ئەبوکەشەک، وتەبێژی فلۆتیلا لە هەژماری ئینستگرامی فلۆتیلای جیهانی سومود، لێدوانێکی ڤیدیۆیی سەبارەت بەو چالاکوانانەی لەلایەن رژێمی داگیرکەرەوە دەستبەسەرکراون، بڵاوکردەوە.

بە پێی ڕاگەیەندراوەکە لە ناو ئەو کشتیانەی کە هێرش کرایە سەریان ٣٠ ئیسپانی، ٢٢ ئیتاڵی، ٢١ تورکایی، ١٢ مالیزی، ١١ تونسی، ١١ بەڕازیلی، ١٠ فەرەنسی، ٩ ئێرلەندی، ٨ جەزائیری، ٧ ئەمریکی، ٧ ئەڵمانی، ٦ بەریتانی، ٤ نەرویجی، ٤ سویدی، ٣ نیوزلەندی، ٣ مەغریبی، ٣ ئوردنی، ٣ پۆڵەندی، ٣ پورتوگالی، ٣ مەکسیکی، ٢ کوەیتی، ٢ کۆڵۆمبی، ٢ ئەرجەنتینی، ٢ سویسری، ١ چیکی، ١ مۆریتانی، ١ نەمسایی، ١ بولگاری، ١ ئوسترالی، ١ سربی، ١ بەلجیکی، ١ بەحرێنی، ١ دانیمارکی، ١ هۆڵەندی، ١ فینلەندی، ١ ئەفریقای باشووری، و ١ سلۆڤاکی هەبوون.(İLKHA)