هودا پار لە ئیستانبوول بەرنامەی "لە ٦-٨ی ئۆکتۆبەرەوە تاوەکو تۆفانی ئەقسا" بەڕێوەچوو و یادی شەهید یاسین و هاوڕێکاری کرا.

بەرنامەکە بە بەشداری محەمەد ئەشین سەرۆکی مەڵبەندی ئیستانبوولی هودا پار و ژمارەیەکی زۆر بەرپرسی هودا پار و هاوڵاتیان بەڕێوەچوو.

ئایهان ئەرەنسۆی سەرۆکی مەڵبەندی باخچەلیئەڤلەری هودا پار لە میانەی بەشداری لە بەرنامەکە وتارێکی پێشکەش کرد و وتی، "ڕووداوەکانی ٦-٨ی ئۆکتۆبەر وەک ڕۆژێکی تاریک لە دڵماندا یادی دەکرێتەوە. ئەو ڕۆژانە پڕ بوون لە توندوتیژی و ئاژاوە لە شەقامەکاندا. ئەوەی زۆرتر لە یادەوەری ئێمەدا دیارە، کوشتنی یاسین بۆروی تەمەن ١٦ ساڵ و هاوڕێکانیەتی، کە بێ ئاگا بوون لە هیچ و گۆشتی قوربانیان دابەش دەکرد."

"پێویستە ئەم دۆزە بگەیەنین بە هەموو مرۆڤەکان"

هەروەها ڕۆژنامەنووس زولکوف یەل لە بەرنامەکە قسەی کرد و ڕایگەیاند کە بۆ ئەوەی دڕندەییەکان دووبارە نەبنەوە، نابێت ئەوەی لە مێژوودا کراوە لەبیر بکرێت و وتی، "نابێت هیچ جینۆساید و دڕندەیییەک کە لە مێژوودا ڕوویداوە لەبیر بکرێت. کاتێک قوربانیانی ئەم دڕندەییە شەهیدەکان بن، هەرگیز نابێت لەبیربکرێن. هەمیشە بە ڕەحمەوە یادیان بکرێتەوە و ئێمەش شوێنکەوتووی ئەرکەکەیان بین. هەروەها پێویستە ئەم دۆزە بە هەموو خەڵک بگەیەنین."

یەل ئاماژەی بەوەشکرد، ئەو تاوانە مرۆییەی کە لە دیاربەکر پێش ٧ی ئۆکتۆبەر و دوای ٧ی ئۆکتۆبەر خۆی دەرخست، لە فەلەستینیش خۆی دەرخست، بەبێ گوێدانە جوگرافیا و ستەمکارەکە هەمیشە هەمان ستەمکارە، هەر ئامرازێک لە توانایاندایە بۆ لەناوبردنی موسڵمانان بە کاردەهێنن.

یەل لە بەردەوامی ئاماژەی بەوە کرد کە ئەو ستەمەی لە دیاربەکر رووی دا ئێستا لە فەلەستینیش بەردەوامە و وتی، "ئەو پرۆسەیەی کە بە تۆفانی ئەقسا دەستی پێکرد، گۆڕاوە بۆ قۆناغێکی تر. لە ڕاستیدا ئەم شەڕ و تاوانە مرۆییانەی کە ئەزموون دەکرێن، تەنانەت پێش کۆمەڵکوژییەکەش بوونیان هەبووە. ئەم شەڕە لە ٧ی ئۆکتۆبەر دەستی پێنەکرد."

"کام کات بۆ ئەقسا هەڵدەستن"

دواتر زانای فەلەستینی و پەرلەمانتاری پێشووی بزووتنەوەی حەماس، مەروان ئەبوڕەئس لە بەرنامەکەدا قسەی کرد.

ناوبراو وتی، "ئێوەش دەزانن ئێمە لەبەردەم کۆمەڵکوژی و جینۆسایدێکداین کە هاوتەریبی لە مێژوودا نییە. کاتێک ئەو داگیرکەرانە هاتنە سەر خاکەکانی ئێمە، بەداخەوە بەشێک لە موسڵمانان و وڵاتانی عەرەبی هاوکاریان کرد. لە ئەنجامی ئەو هاوکارییە، کۆمەڵکوژی جددی بەرامبەر خوشک و براکانمان ئەنجام درا. کاتێک فەلەستین داگیر کرا، ئەو داگیرکەرانە ئۆپڕاسیۆنەکانیان بۆ سەر مزگەوتی ئەقسا زیاد کرد و داگیریان کرد. موڵکی مزگەوتی ئەقسا تەنها موڵکی موسڵمانانە. ئەی موسڵمانان! ئەقسا ئێستا شوێنێکی دیل و ستەملێکراوە. کام کات هەڵدەستن؟"

"ئەی ئومەتی موسڵمان! بە ماڵ و چەکەکانتان لە تەنیشت شەڕڤانانی غەززە بوەستن!"

ناوبراو لە بەردەوامی وتی، "ئامانجی ڕاستەقینەی موجاهیدەکان لە غەززە، بەئاگاهێنانەوەی ئومەتە ئیسلامییە خەوتووەکانە. جولەکەکان زۆر باش ئەمە دەزانن و بۆ ئەوەی ئوممەتی ئیسلامی لە خەو هەڵنەستن، کۆمەڵکوژییەکی گەورەی ژنان و منداڵان و بەساڵاچووان لە غەززە ئەنجام دەدەن. ئێمەش وەک غەزەییەکان دەپرسین، ‘ئەی خەڵکی ئومەتی ئیسلامی! بۆچی بە ماڵ و چەکەوە لە تەنیشت موجاهیدەکان لە غەززە ناوەستن؟"

بەرنامەکە بە ئەنجامدانەوەی دوعا کۆتایی هات.(İLKHA)