ئاسەواری ئەشکەنجەدان و کوشتنی بێ دادگا لەسەر تەرمی شەهیدان هەیە
13 oC
13 oC
Güneşli
13 oC
Güneşli
لەگەڵ ڕادەستکردنی تەرمی دەیان شەهیدی فەلەستینی لەلایەن رژێمی داگیرکەر لە ڕێگەی خاچی سوورەوە، دڕندەیی ئەو تاوانانەی کە سوپای داگیرکەر لە کاتی هێرشەکانی بۆ سەر کەرتی غەززە ئەنجامی داوە، جارێکی دیکە ئاشکرا بووە.
دکتۆر محەمەد زەغوت، بەڕێوەبەری گشتی نەخۆشخانەکان لە وەزارەتی تەندروستی غەززە ڕایگەیاند، لە ٣ گەشتدا بە گشتی ١٢٠ تەرمیان لە رژێمی داگیرکەر وەرگرتووە کە دەیان تەرمی نەناسراویان تێدایە.
زەغوت ئاماژەی بەوەشکردووە، لە پشکنینی تەرمەکاندا نیشانەکانی ئەشکەنجەدان و سووتانی شەهیدان دەرکەوتووە، هەروەها نیشانەکانی تەقەکردن لە مەودای نزیکەوە دەرکەوتووە. ئاماژەی بەوەشکرد، هەندێک لە تەرمەکان شوێنەواری پەنجەی تانکییان لەسەر بووە و هەندێکیشیان دەست و قاچیان بە دەستبەندی پلاستیکی بەستراوەتەوە.
زەغوت ئاماژەی بەوەشکرد، تا ئێستا وەزارەتەکە تەنها توانیویەتی شەش تەرم دەستنیشان بکات بەهۆی نەبوونی پشکنینی دی ئێن ئەی، هەروەها رژێمی داگیرکەریش ڕەتیکردووەتەوە ئەنجامی ئەو پشکنینانەی کە لەسەر هەموو لاشەیەک ئەنجام دراون جگە لە سێ تەرمەکە بخاتەڕوو.
زەغوت ئاماژەی بەوەشکردووە، دەتوانرێت تەرمی شەهیدان بۆ ماوەی هەفتەیەک لە مۆرگەکانی نەخۆشخانەکاندا بهێڵرێتەوە، بەڵام دواتر دەبێت تەرمی شەهیدەکان بنێژن.
هاوکات وەزارەتی تەندروستی فەلەستین وێنەی هەندێک کەلوپەلی دۆزراوەتەوە لەسەر تەرمەکان بڵاوکردەوە و داوای لە بنەماڵەکان کرد هەر کەلوپەلێک کە دەتوانن دەستنیشان بکەن ڕابگینن.
دکتۆر مونیر ئەلبیر، بەڕێوەبەری گشتی وەزارەتی تەندروستی فەلەستین هەروەها ڕایگەیاند، ئەو تەرمانەی پێیان گەیشتووە بەستراون و نیشانەی ئەشکەنجەدانیان لەسەرە، ئەمەش ئاماژەیە بۆ ئەوەی بە سروشتی نەمردوون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ڕۆژنامەی یەدیۆت ئەهرۆنۆتی رژێمی داگیرکەر ڕاگەیاند، سوپای داگیرکەر لە ئۆپەراسیۆنەکانی بۆ ڕزگارکردنی ئەسیرەکان لە کەناری غەززە شکەستی خوارد.
دادگای رژێمی داگیرکەری سەهیۆنی بڕیاری دا دەستبەسەرکردنی دکتۆر حوسام ئەبوو سەفیە، بەڕێوەبەری نەخۆشخانەی کەمال عودوان لە باکووری غەززە، بۆ ماوەی شەش مانگی دیکە درێژ بکاتەوە.
حەماس ڕایگەیاند کە نەیانتوانیوە بگەنە تەرمی ئەو زیندانیانەی کە لە ژێر ئەو تونێل و باڵەخانانەدا گیریان خواردووە کە بەهۆی بۆردومانەکەوە وێران بوون، هەروەها پرۆسەی ڕادەستکردنەوەکە گیری خواردووە، چونکە هێزەکانی داگیرکەر ڕێگەیان نەداوە کەرەستەی فریاگوزاری بچنە ناو غەززە.
