رژێمی داگیرکەری سەهیۆنی دژایەتی بەشداری تورکیا لە هێزی غەززە دەکات
13 oC
13 oC
Güneşli
13 oC
Güneşli
پێکهاتەی ئەو هێزە نێودەوڵەتییەی کە پلانی بۆ دانرابوو دوای ئاگربەست لە غەززە ڕەوانەی ناوچەکە بکرێت، تا ئێستاش جێگەی مشتومڕ ماوەتەوە. رژێمی داگیرکەری سەهیۆنی بە ئاشکرا دژایەتی خۆی بەرامبەر بە بەشداریی سەربازانی تورکیا
گیدیۆن سار بەناو وەزیری دەرەوەی رژێمی داگیرکەری سەهیۆنی ڕایگەیاند، بەهۆی دژایەتییە درێژخایەنەکانی ڕەجەب تەیب ئەردۆغان، سەرۆک کۆماری تورکیا لەگەڵ رژێمی داگیرکەری سەهیۆنی، سەربازانی تورکیا لە غەززە قبوڵ ناکەن و ئەم بۆچوونە بە ئیدارەی واشنتۆنیش گەیشتووە.
سار ڕەخنەیەکی پەردەپۆشکراوی لە تورکیا گرت و وتی، ئەو وڵاتانەی بیر لە ناردنی هێزی چەکدار دەکەنەوە، لانیکەم دەبێت "دادپەروەر بن" بەرامبەر بە رژێمی داگیرکەری سەهیۆنی، بەڵام هیچ وردەکارییەکی بڵاو نەکردەوە.
پلانی ئاگربەستی ٢٠ خاڵیی بە نێوەندگیری دۆنالد ترامپ سەرۆکی ئەمریکا لە سەرەتای ئەم مانگەدا داوای دامەزراندنی "هێزێکی سەقامگیری نێودەوڵەتی" دەکات بۆ سەقامگیرکردنی غەززە . بەپێی ئەو پلانە، ئەم هێزە مەشق و ڕاهێنان بە هێزە ئەمنییەکانی فەلەستین دەکات و ئاسایشی غەززە بەشێوەیەکی کاتی دەپارێزێت. بەڵام هێشتا ڕوون نییە کە کام وڵات بەشداری سەربازی دەکەن .
هەرچەندە ئەمریکا پێشتر ڕایگەیاندبوو کە هێزی خۆی لە ناوچەکەدا نابێت، بەڵام لە ئێستادا نزیکەی ٢٠٠ سەربازی ئەمریکی لەو بارەگایە خزمەت دەکەن کە پلانەکانی ئاوەدانکردنەوەی غەززە لە ژێر دەسەڵاتی رژێمی داگیرکەری سەهیۆنیدا هەماهەنگ دەکەن.
هاوکات تورکیا ڕاگەیاند، پشتگیری لە هەموو دەستپێشخەرییەکان دەکات کە ئامانجیان بەدیهێنانی ئاشتییە لە غەززە. دوو هەفتە لەمەوبەر، ڕەجەب تەیب ئەردۆغان، سەرۆککۆماری تورکیا لە کۆبوونەوەی لوتکەی میسر، شانبەشانی ترامپ و شێخ تەمیم بن حەمەد ئال سانی ئەمیری قەتەر و عەبدولفەتاح سیسی سەرۆکی میسر، بەڵگەنامەیەکی پشتگیری لە پلانی ئاشتی ناوچەکە واژۆ کرد.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
چریس سیدۆتی ئەندامی کۆمسیۆنی لێپرسینەوەی نێودەوڵەتی سەربەخۆی فەلەستینی داگیرکراو سەر بە نەتەوە یەکگرتووەکان ڕاگەیاند کە کۆمیسیۆنەکە ئەوەندە پێویست لەبارەی جینۆساید لە غەززە کۆکردووە.
جەیمس ئینگرام، وتەبێژی یونیسێف ڕایگەیاند، دوای ئاگربەست ژیان لە غەززە ئاسایی نەبووەتەوە، ئاماژەی بەوەشکرد، تا ئێستا سەدان هەزار منداڵ دەستیان بە ئاوی پاک و خۆراک و خوێندن نەگەیشتووە و دەبێت بەپەلە هاوکارییەکان زیادبکرێن.
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٦٨ هەزار و ٦٤٣ کەس و ژمارەی بریندارەکانیش گەشتە ١٧٠ هەزار و ٦٥٥ کەس.
محەممەد ئەلحاج موسا، وتەبێژی جیهادی ئیسلامی ڕایگەیاند، لەو کاتەوەی ڕێککەوتنی ئاگربەست ڕاگەیەندراوە، گروپە خۆڕاگرییەکانی فەلەستین بە تەواوی پابەندی مەرجەکانی بوون و بە هیچ شێوەیەک پێشێلیان نەکردووە.
