لە شاری ڕیۆ دێ جانیرۆی پایتەختی وڵاتی بەڕازیل لە کاتی ئۆپڕاسیۆن دژی باندەکانی ماددی هۆشبەر شەڕ رووی دا و ٦٤ کەس کوژران.

پۆلیسی بەڕازیل ئۆپڕاسیۆنێکی دەستپێکرد و ڕێکخراوی تاوانکاری "کۆماندۆ ڤێرمێلهۆ"ی کردە ئامانج. لە ئۆپڕاسیۆنەکەدا شەڕ و پێکدادان لە نێوان هێزە ئەمنییەکان و ئەندامانی چەتەکاندا رووی دا.

بەپێی زانیارییەکانی دەسەڵاتداران، لە تێکهەڵچوونەکەی دواتردا چوار ئەفسەری پۆلیس و لانیکەم ٦٠ ئەندامی باندەکە کوژراون و زیاتر لە ٨٠ تۆمەتباریش دەستگیر کراون.

ئەم هەڵمەتە کە بە یەکێک لە بەرفراوانترین ئۆپڕاسیۆنەکانی مێژووی ویلایەتەکە دادەنرێت، ٢ هەزار و ٥٠٠ ئەفسەری پۆلیسی تێدا بەشداربوون. هەروەها ٣٢ زرێپۆش پشتگیریان کرد.

سەرچاوەکانی پۆلیس ڕایانگەیاند کە ئامانجی ئۆپڕاسیۆنەکە دەستەبەرکردنی ئاسایش بووە لە ناوچەکانی ژێر کۆنترۆڵی باندەکان و سەرکوتکردنی چالاکییە تاوانکارییە ڕێکخراوەکان. دوابەدوای پێکدادانەکان، ڕێوشوێنی ئەمنی بەرفراوان لە ناوچەکە گیراوەتەبەر و دەوترێت ئۆپڕاسیۆنەکە بەردەوامە.(İLKHA)