13 oC 
Güneşli
سەرچاوە خۆجێییەکان لە کەرتی ڕۆژئاوا هەواڵی هێرشە بەرفراوانەکانی سوپای داگیرکەری سەهیۆنییان بۆ سەر چەندین شار، گوند و کەمپی فەلەستینی لە کاتژمێرەکانی سەرەتای بەرەبەیان و بەیانیی ئەمڕۆ بڵاو کردەوە.
بەپێی ڕاپۆرتی ناوەندی ڕاگەیاندنی فەلەستین، پەیامنێری ئەلجەزیرە ڕایگەیاند کە ژمارەی دەستبەسەرکراوان لە شارۆچکەی بێت عومەر لە باکووری ئەلخەلیل گەیشتووەتە ٤٠ کەس و هێزەکانی داگیرکەر هێشتا خەریکی هەڵکوتانە سەر ماڵی هاووڵاتییانن. هاوکات، سوپای داگیرکەر بە ناردنی هێزی کۆمەکی، بوونی خۆی لەم ناوچەیە بەشێوەیەکی بەرچاو بەهێز کردووە.
لە شاری ئەلخەلیل، سەربازانی داگیرکەر هێرشیان کردە سەر ماڵی کەسوکاری شەهید عیمران ئەلئەترەش و چەند کەسێکیان لە ئەندامانی خێزانەکەی دەستبەسەر کرد. هەروەها هێزە داگیرکەرەکان بە هەڵکوتانە سەر شارۆچکەی حەزما لە باکووری ڕۆژهەڵاتی قودسی داگیرکراو، دەستیان کرد بە تەقەکردن بە گولڵەی جەنگی، گازی فرمێسکڕێژ و بۆمبی دەنگی.
لە ڕامەڵڵا، سەربازانی داگیرکەری سەهیۆنی دەروازەی گوندی ڕەئس کەرکەریان داخست و لە شاری ئەلبیرە فیشەکی ڕووناککەرەوەیان تەقاند کە بووە هۆی ئاگرکەوتنەوە لە ئۆتۆمبێلێک لە ناوەندی شارەکە.
هەروەها ناوچەکانی تولکەرم، قەلقیلیە، نابلوس، حەلحول، قەفین و قەباتیە شایەتی هێرشی بەرفراوانی داگیرکەران بوون. لە گوندی عەزبە ناسر و کەمپی ئەلعەین، سەربازان بەشێوەیەکی بەرفراوان ماڵەکانیان پشکنی و چەندین کەسیان دەستبەسەر کرد. لە قەلقیلیەش گەنجێکی فەلەستینی دوای هەڵکوتانە سەر ماڵەکەی دەستبەسەر کرا.
لە جەنین، سوپای سەهیۆنی دوای دزەکردنی یەکەیەکی تایبەت، هێزێکی کۆمەکیی بەرفراوانی ڕەوانەی شارۆچکەی قەباتیە کرد و دەستی کرد بە پشکنینی خانەکان لە هەندێک ناوچەدا.
هێرشەکانی سوپای رژێمی سەهۆنی بۆ سەر کەرتی ڕۆژئاوا بەتایبەتی لە کاتی ئاگربەست لە غەززە لە ١٠ی تشرینی یەکەمی ڕابردووەوە زیادبوونێکی بەرچاوی بەخۆیەوە بینیوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
حازم قاسم، وتەبێژی بزووتنەوەی بەرخۆدانی ئیسلامیی حەماس ڕایگەیاند، "بەردەوامیی پێشێلکردنی ئاگربەست نیشانەی بێ ڕێزیی رژێمی داگیرکەرە بەرانبەر بە نێوەندگیران و گەرەنتیکارانی ڕێککەوتنەکە."
مەحموود مەردەوی، یەکێک لە سەرکردەکانی بزووتنەوەی خۆڕاگری ئیسلامی حەماس هۆشداری دا لەوەی کە هەوڵی حکوومەتە توندڕەوەکەی رژێمی سەهیۆنی بۆ پەسەندکردنی یاسای لەسێدارەدانی دیلە فەلەستینییەکان، هەنگاوێکی نوێیە لە ڕێڕەوی یاسا دڕندانە و کوشندەکانی ئەم ڕژێمە و بە ئاشکرا لەگەڵ بنەماکانی یاسای نێودەوڵەتیی مرۆیی دژبەیەکە.
لە ئەنجامی هێرشی هێزە داگیرکەرەکانی سەهیۆنی لە نابلوس ٢ فەلەستینی بریندار بوون.
