لە ویلایەتی پەنجابی وڵاتی پاکستان لە ئەنجامی تەقینەوەیەک لە ناو کارگەیەکدا ١٥ کەس گیانیان لەدەستدا و ژمارەیەکی زۆر کەسیش بریندار بوون.

تەقینەوەکە لە ناو کارگەیەک لە نزیکەی ناوچەی مالکپوور لە شاری فەیسەلئاباد رووی دا.

بە پێی ڕاگەیەندراوی فڕیاگوزاری وڵات، پێدەچێت تەقینەوەکە لە ناو مەخزەنی کارگەکە رووی داوە و بەهۆیەوە کارگەکە بە گشتی ڕوخاوە.

بەڵام تیمەکانی فڕیاگوزاری ڕایانگەیاند کە تەقینەوەکە بەهۆی دزەکردنی گاز رووی داوە.

هەروەها باس لەوە کرا کە لە کارگەکە مەخزەن نییە و لە ناوچەی مالکپوور ٤ کارگە هەن.

بەرپرسان باسیان لەوە کرد، بەهۆی دزەکردنی گاز ئاگر دەرکەوتووە و لە ناو کارگەکانی دیکە بڵاو بووە.

لە ڕاگەیەندراوەکە باس لەوە کرا، کاریگەری رووداوەکە بە سەر ٧ خانوو هەبووە و زیان بە خانووکانی دەوروبەر گەشتووە.

لە ئەنجامی چالاکییەکاندا تەرمی ١٥ کەس دۆزرایەوە و ١٠ کەسیش بە برینداری ڕەوانەی نەخۆشخانەکان کران.

تیمێکی ٥ کەسی بەردەوامە لە لێکۆلینەوە لەبارەی رووداوەکە.(İLKHA)