سوپای داگیرکەری سەهیۆنی جارێکی دیکە ئاگربەستی پێشێل کرد و لە ئەنجامی هێرشەکەدا ٤ کەس شەهید بوون.

هێزەکانی داگیرکەری سەهیۆنی ئەمڕۆ جارێکی دیکە هێرشیان کردە سەر چەند ناوچەیەک لە شارەکانی غەززە و خان یونس.

بە پێی ڕاگەیندراوی نەخۆشخانەکانی غەززە، یەکێک لە مەدەنییەکان لە ئەنجامی هێرشی تۆپهاوێژ بۆ سەر ناوچەی ئەلشاف لە نزیکەی هێڵی زەرد لە ناوچەی توفاح لە ڕۆژهەڵاتی شاری غەززە شەهید بوو.

هێرشێکی دیکە بە فڕۆکەی بێ فڕۆکەوان بۆ سەر ناوچەی ئارمیدا لە ڕۆژهەڵاتی خان یونس ئەنجام درا و لە ئەنجامی هێرشەکەدا کەسێک شەهید بوو و ٢ کەسیش بریندار بوون.

هێرشێکی دیکە بە فڕۆکەی بێ فڕۆکەوان بۆ سەر بەنی سوهەیلا لە ڕۆژهەڵاتی خان یونس ئەنجام درا و لە ئەنجامی هێرشەکەدا کەسێک شەهید بوو.

سوپای داگیرکەری سەهیۆنی لە ١٠ی ئۆکتۆبەرەوە کە ئاگربەست ڕاگەیەندراوە سەدان جار ئاگربەستی پێشێل کردووە و لە ئەنجامی هێرشەکاندا ٣٤٣ کەس شەهید بوونەتە و ٨٧١ کەسیش بریندار بوون.(İLKHA)