هەڵکوتانە سەر ماڵەکان لە کەناری ڕۆژئاوا: ٢ بریندار
13 oC
13 oC
Güneşli
13 oC
Güneşli
هێزە داگیرکەرەکان لە کاتی هەڵمەتەکانی بۆسەر ناوچە جیاجیاکانی کەرتی ڕۆژئاوا دوو گەنجی فەلەستینییان بە بارمتە گرت و دوو گەنجی دیکەیان لێدا و برینداریان کرد. باندە جولەکەکانیش بەردەوام بوون لە هێرشەکانیان.
درەنگانی شەوی چوارشەممە، هێزەکانی داگیرکەر هەڵمەتێکی نوێیان لە ناوچە جۆربەجۆرەکانی کەرتی ڕۆژئاوا ئەنجام دا. بە پێی ڕاپۆرتی هەواڵدەریی فەرمیی فەلەستینی وەفا، دوو لاوی فەلەستینی لە هەڵکوتانە سەر شارۆچکەکانی عەنەبتا و کفر لەبەد لە ڕۆژهەڵاتی تولکەرم بە دیل گیران.
لە کەفر لەبەد، سەربازانی داگیرکەر ژمارەیەکی زۆر لە دوکاندارەکانیان ناچار کرد دوکانەکانیان دابخەن. لەو ناوچەیەدا ئۆتۆمبێلەکان ڕاگیران و فەلەستینییەکان لە شوێنی رووداوەکە ڕاگیران و لێکۆڵینەوەیان لەگەڵدا کرا.
لە باشووری کەناری ڕۆژئاوا، هێزەکانی داگیرکەر هەڵیانکوتایە سەر وێرانەکانی دێر ڕەزا لە باشووری ئەلخەلیل. ئەو سەربازانەی کە لە دەوری ماڵەکان جێگیر بوون، دوو گەنجی فەلەستینییان لێدا و برینداریان کرد. لە هەمان کاتدا یەکەیەکی دیکەی ئیسرائیل کە دەچێتە ناوچەکانی باشووری ئەلخەلیل، بە ئەنقەست ئۆتۆمبێلێکی فەلەستینییان داوە و زیانی ماددی لێکەوتووەتەوە.
هەروەها هێرشی باندەکانی جولەکەکان بەردەوام بوو. لە باکووری ئەلخەلیل، باندە چەکدارەکان ئۆتۆمبێلی فەلەستینییەکیان بەردباران کرد؛ هێرشەکە پەنجەرەکانی شکاند و زیانێکی زۆری لێکەوتەوە.
لە دوای دەستپێکردنی هێرشە جینۆسایدییەکان بۆ سەر غەززە لە ٧ی تشرینی یەکەمی ٢٠٢٣، داگیرکەران و میلیشیا جوولەکەکان هێرشەکانیان لە سەرتاسەری کەرتی ڕۆژئاوا بە قودسەوە چڕتر کردووەتەوە. ئەم هێرشانە بووەتە هۆی شەهیدبوونی نزیکەی ١١٠٠ فەلەستینی و برینداربوونی نزیکەی ١١ هەزار کەس و ڕفاندنی زیاتر لە ٢١ هەزار فەلەستینی.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
تۆڕی پزیشکانی سوودان ڕایگەیاند، لە ماوەی ٤٨ کاتژمێری ڕابردوودا ١٦ کەس لە شارۆچکەی دەلەنجا لە ویلایەتی کۆردۆفانی باشوور گیانیان لەدەستداوە، هاوکات ڕێکخراوەکانی مافی مرۆڤیش ڕایانگەیاندووە کە پێشێلکاریی جددی بەرامبەر بە خەڵکی سڤیل لە سەرتاسەری وڵاتدا ئەنجام دەدرێت.
لەگەڵ تەواوی ڕێگرییەکان و بەربەستەکانی رژێمی داگیرکەری سەهیۆنی ٥٠ هەزار مسوڵمان لە مزگەوتی ئەقسا نوێژی هەینیان ئەنجام دایەوە.
وەقفی خێرخوازی یەتیمەکان لە ئەنجامی چالاکییەکانی خێرخوازی لە وڵاتی کینیا نەشتەرگەری ئاوی سپی چاو ئەنجام دایەوە.
بەڕێوەبەرایەتیی بەرگریی شارستانی لە کەرتی غەززە ڕایگەیاند کە بەدوای روودانی ٣ تەقینەوەی سەرچاوەگرتوو لە پاشماوەی بەجێماوی هێرشەکانی سوپای داگیرکەری سەهیۆنی لە ناوچە جیاوازەکانی ئەم کەرتە، منداڵێک شەهید بووە و چەندین حاڵەتی ئاگرکەوتنەوە و زیانی ماددی بەر ماڵی هاووڵاتییان کەوتووە.
