13 oC 
Güneşli
نەتەوە یەکگرتووەکان ڕایگەیاند کە بارانبارین و زریانەکانی ئەم دواییە لە کەرتی غەززە، کاریگەریی کردووەتە سەر نزیکەی ٥٥ هەزار خێزانی فەلەستینی و بووەتە هۆی زیانپێگەیشتن یان وێرانبوونی شوێنەکانی نیشتەجێبوون و سامانەکانیان.
فەرحان حەق، جێگری وتەبێژی ئەمینداری گشتیی نەتەوە یەکگرتووەکان لە کۆنگرەیەکی ڕۆژنامەوانیدا لە بارەگای ئەم ڕێکخراوە لە نیویۆرک وتی، "نووسینگەی هەماهەنگیی کاروباری مرۆیی نەتەوە یەکگرتووەکان (ئۆچا) مەزەندەی کردووە کە تا ئەم ساتە نزیکەی ٥٥ هەزار خێزان لە ناوچە جیاوازەکانی غەززە بەهۆی لێکەوتەکانی بارانبارینی ئەم دواییەوە زیانیان بەرکەوتووە و پەناگە و سامانەکانیان زیانی پێ گەیشتووە یان بە تەواوی لەناو چووە."
بە وتەی ناوبراو، زریان و بارانە بەخوڕەکان هەروەها بوونەتە هۆی زیانپێگەیشتن بە دەیان فەزای دڵخوازی منداڵان لە غەززە و لە ئەنجامدا، چالاکییە پەیوەندیدارەکان بە پشتیوانی لە منداڵان پەکیان کەوتووە؛ بابەتێک کە ژیان و ئاسایشی نزیکەی ٣٠ هەزار منداڵی لە سەرانسەری ئەم ناوچەیەدا خستووەتە ژێر کاریگەرییەوە.
جێگری وتەبێژی ئەمینداری گشتیی نەتەوە یەکگرتووەکان لە کۆتاییدا هۆشداریی دا کە کۆسپ و سنووردارکردنە بەردەوامە سەپێنراوەکان لەلایەن ڕژێمی داگیرکەرەوە، هێشتا ڕێگری دەکات لە پەرەسەندنی خێراتر و کاریگەرتری کارەکانی ڕێکخراوەکانی فریاگوزاریی مرۆیی لە کەرتی غەززە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
تۆڕی پزیشکانی سوودان ڕایگەیاند، لە ماوەی ٤٨ کاتژمێری ڕابردوودا ١٦ کەس لە شارۆچکەی دەلەنجا لە ویلایەتی کۆردۆفانی باشوور گیانیان لەدەستداوە، هاوکات ڕێکخراوەکانی مافی مرۆڤیش ڕایانگەیاندووە کە پێشێلکاریی جددی بەرامبەر بە خەڵکی سڤیل لە سەرتاسەری وڵاتدا ئەنجام دەدرێت.
لەگەڵ تەواوی ڕێگرییەکان و بەربەستەکانی رژێمی داگیرکەری سەهیۆنی ٥٠ هەزار مسوڵمان لە مزگەوتی ئەقسا نوێژی هەینیان ئەنجام دایەوە.
وەقفی خێرخوازی یەتیمەکان لە ئەنجامی چالاکییەکانی خێرخوازی لە وڵاتی کینیا نەشتەرگەری ئاوی سپی چاو ئەنجام دایەوە.
بەڕێوەبەرایەتیی بەرگریی شارستانی لە کەرتی غەززە ڕایگەیاند کە بەدوای روودانی ٣ تەقینەوەی سەرچاوەگرتوو لە پاشماوەی بەجێماوی هێرشەکانی سوپای داگیرکەری سەهیۆنی لە ناوچە جیاوازەکانی ئەم کەرتە، منداڵێک شەهید بووە و چەندین حاڵەتی ئاگرکەوتنەوە و زیانی ماددی بەر ماڵی هاووڵاتییان کەوتووە.
