13 oC 
Güneşli
شەهید حەکەم ئەلعیسا ناسراو بە "ئەبوو عومەری سووری"، لە دیارترین فەرماندە سەربازییەکانی کەتائیبی عیزەدین ئەلقەسام و یەکێک لە داڕێژەرانی سەرەکیی ئۆپەراسیۆنی مێژوویی "تۆفانی ئەقسا" بوو کە دوای دەیان ساڵ تێکۆشان لە گۆڕەپانەکانی جەنگی نێودەوڵەتی و ئاوەدانکردنەوەی توانای سەربازیی بەرگری لە غەززە، لە حوزەیرانی ٢٠٢٥ لەلایەن رژێمی سەهیۆنییەوە شەهید کرا.
حەکەم ئەلعیسا لە ساڵی ١٩٦٧ لە وڵاتی کوێت و لە خێزانێکی فەلەستینی لەدایک بووە. ڕەسەنایەتیی خێزانەکەی بۆ شارۆچکەی "ڕامین" لە نزیک تولکەرم کە دەکەوێتە باکووری ڕۆژئاوای کەرتی ڕۆژئاوا دەگەڕێتەوە. ئەو پێش ئەوەی بچێتە ناو گۆڕەپانی خەباتی چەکداری، ساڵانی گەنجیی خۆی لە کوێت، سووریا و لوبنان بەسەر برد.
ناوبراو خوێندنی سەرەتایی و ناوەندیی خۆی لە قوتابخانەکانی کوێت تەواو کرد و بۆ خوێندنی باڵا ڕووی لە وڵاتی هیندستان کرد. عیسا هەر لە سەردەمی خوێندکارییەوە لە چالاکییە سیاسییەکان و پشتیوانی لە دۆزی فەلەستین پێشەنگ بوو. دوای قەیرانی کەنداو و هێرشی عێراق بۆ سەر کوێت، ناوبراو بۆ ئوردن گواستییەوە تا ڕێگایەکی نوێ لە ژیانی خەباتگێڕیی خۆی دەست پێ بکات.
ئەوەی کە ئەبوو عومەری سووری لەوانی دیکە جیادەکردەوە، ئەزموونی مەیدانیی بەرفراوانی ئەو بوو لە کانونەکانی قەیرانی جیهان. ئەو لە گەنجیدا لە بەرەکانی جەنگ لە ئەفغانستان، چیچان، سووریا و لوبنان ئامادە بوو. ئەم ئامادەبوونە دەرەکییە، زانیارییەکی سەربازیی بێوێنەی پێ بەخشی کە دواتر بنەمای دەسەڵاتی بەرگریی کەتائیبی ئەلقەسامی پێکهێنا.
شەهید حەکەم عیسا لە ساڵی ٢٠٠٥ چووە ناو کەرتی غەززە و قۆناغێکی نوێی لە چالاکییە ڕێکخراوەییەکانی خۆی لە کەتائیبی ئەلقەسام دەست پێ کرد. پسپۆڕیی سەرەکیی ئەو لە داڕشتن و دروستکردنی دامەزراوە سەربازییەکان، تونێلەکان و ناوەندەکانی فەرماندەیی بوو، تا ئەو ڕادەیەی لەنێو خەباتکارانی بەرگریدا بە "ئەبوولمەواقیع" (باوکی پێگەکان) ناوبانگی دەرکرد.
ئەو ڕۆڵێکی سەرەکیی لە دامەزراندنی سیستەمی مەشق و پەرەپێدانی کەتائیبی ئەلقەسام گێڕا و بەشێوەیەکی شەخسی سەرپەرشتیی دروستکردنی "ئەکادیمیای سەربازی"ی ئەم کەتیبانەی دەکرد. ئەبوو عومەری سووری وەک یەکێک لە ئەندازیارانی سەرەکیی ئۆپەراسیۆنی "تۆفانی ئەقسا" لە ساڵی ٢٠٢٣ دەناسرێت کە بە داڕشتنە وردەکەی، لەرزەی خستە سەر جەستەی داگیرکەران. سەرەنجام لە حوزەیرانی ٢٠٢٥، سوپای رژێمی سەهیۆنی هەواڵی تیرۆر و شەهیدبوونی ئەم فەرماندە باڵایەی ڕاگەیاند.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ویلایەتی کۆردۆفانی باکووری سوودان، چڕبوونەوەی شەڕ لە نێوان سوپا و هێزەکانی پشتیوانی خێرا، شەپۆلی نوێی ئاوارەبوونی لێکەوتەوە.
وەزیری بەرگری بەلجیکا تیۆ فرانکن ڕایگەیاند کە لە نێوان ٤ بۆ ١٨ی ئەیلول ٣٠ سەربازی بەلجیکا بۆ گرینلاند ڕەوانە دەکرێن.
رەجەب تەیب ئەردۆغان سەرۆک کۆماری تورکیا لە شاری مەککە لەگەڵ محمەد بن سەلمان شازادەی سعوودیە کۆبوویەوە.
لە ناوچەی جەرمانای دیمەشق، تەقینەوەیەک لەناو مینی پاسێکدا تەقیەوە و بەهۆیەوە ٢ کەس گیانیان لەدەستدا و ١٣ کەسی دیکەش بریندار بوون.
