عەبدولمەلیک ئەلحوسی، ڕێبەری بزووتنەوەی انصارالله لە یەمەن وتی، "ئێمە هاوئاهەنگین لەگەڵ بزووتنەوەی خۆڕاگری لەسەر ئەوەی لە لوبنان و فەلەستین ڕوودەدات و چی پێویستە بۆ وەڵامدانەوە."

ڕێبەری بزووتنەوەی انصارالله-ی یەمەن جەختی لە هەماهەنگی تەواو لەناو بەرەی خۆڕاگری سەبارەت بە رووداوەکانی لوبنان و فەلەستین کردەوە و زلهێزەکانی ناوچەکەی هۆشداری دا کە ئەمریکا بۆ شەڕێکی فراوانتر کە خزمەت بە سەهیۆنییەکان بکات، نەکێشن.

ناوبراو جەختی لەوە کردەوە کە یەمەن بە تەواوی ئامادەیە بۆ ڕووبەڕووبوونەوەی دوژمنەکانی لە بەرامبەر هەر نائارامی یان پێشهاتێک کە لە چوارچێوەی بارودۆخی ئێستادا سەرهەڵبدات.

حوسی ئاماژەی بەوەدا کە بزووتنەوەکە "لەگەڵ براکانی لە بەرەی خۆڕاگریدا لەمەڕ ئەوەی لە لوبنان و فەلەستین ڕوودەدات، ڕێوشوێنە ناڕەوا و شەڕانگێزەکانی ئەمریکا و ئەو ڕێوشوێنانەی کە دەبێت لەدژی ئەوان بگیرێتەبەر"، هاوڕایە و هەموو هێز و لایەنەکانی ناوچەکەی لەمەترسی ڕاکێشانی شەڕێک لە خزمەتی دوژمنی سەهیۆنی لەلایەن ئەمریکییەکانەوە هۆشداری دا.

حوسی هۆشداری دا لە مەترسییەکانی تۆڵەسەندنەوە لە دەستپێشخەرییەکانی ئەمریکا و وتی، "ئەمریکییەکان هەوڵ دەدەن هەندێک کەس لەم کارەدا بەشدار بکەن، هەرچەندە مەترسییەکی گەورەیە بۆیان" هەروەها ڕایگەیاند کە ئەنجامی ئەم دەستێوەردانە و ئەو لێکەوتەی کە بۆ ئەم لایەنانە بەدوای خۆیدا دەهێنێت جگە لە "زەرەر و شەرمەزاری و بێشەرەف و لێکەوتەی جددی" هیچی تر نابێت.(İLKHA)