دیلی فەلەستینی عیماد ڕاجح مستەفا سەرحان، تەمەن ٤٨ ساڵ و خەڵکی شاری حەیفا، سەرلەبەیانیی ئەمڕۆ یەکشەممە دوای ٢٤ ساڵ دیلێتی لە زیندانی "جەلبووع"ی رژێمی سەهیۆنی شەهید بوو.

سەرحان لە دانیشتووانی گەڕەکی وادی ئەلنەسناس لە حەیفا بوو و لە ٢٠ی کانوونی دووەمی ٢٠٠٢ دەستبەسەر کرا. ناوبراو بە زیندانی هەتاهەتایی و ١٠ ساڵ زیندانیی زیاتر سزادرابوو و زیاتر لە ٢٤ ساڵ لە تەمەنی خۆی لە زیندانەکانی رژێمی سەهیۆنی بەسەر برد.

ئەو لە ماوەی ساڵانی دیلێتیدا ڕووبەڕووی چەندین هەنگاوی سزادان بووەوە کە گرنگترینیان زیندانی تاکەکەسیی درێژخایەن بوو. سەرحان بە بیانووی بوونی "دۆسیەی نهێنی"، چوار ساڵی لەسەریەک لە زیندانی تاکەکەسی هێڵرایەوە و سزای زیندانی تاکەکەسییەکەی بە شێوەی خولی درێژ دەکرایەوە.(İLKHA)