13 oC 
Güneşli
بەناو وەزیری جەنگی رژێمی داگیرکەر ڕایگەیاند کە سەرەڕای داواکاری ئەمریکا بۆ کشانەوەی سوپای داگیرکەر لە باشووری لوبنان دەمێنێتەوە.
ئیسرائیل کاتز، بەناو وەزیری سەهیۆنی وتی، "سوپای داگیرکەر لە باشووری لوبنان ناکشێتەوە تەنانەت ئەگەر ئەمریکا داوای بکات."
کاتز لە کۆنفرانسێکدا لە تەلئەبیب قسەی کرد و ڕایگەیاند کە ٢٠٠ هەزار دانیشتووی لوبنانی کە بە زۆر لە ماڵەکانیان لە باشووری لوبنان ئاوارە بوون، ڕێگەیان پێنادرێت بگەڕێنەوە.
کاتز بە هێنانەوەی نموونەکانی ڕابردووی تەقەمەنی و هێرشکردنە سەر سەربازانی داگیرکەر لە "ناوچە ئەمنییەکان کە دانیشتوانی مەدەنیش تێیدا بوون"، ڕەوایەتی بەو بەربەستە هێنا.
کاتز وتی "لەناوەوە سەرباز هەیە، دانیشتوو لە دەرەوە. ژێرخانی زەوی وێران بووە، ماڵەکان هەڕەشەیان لێدەکرێت و ڕووخێنراون. ئێمە پاشەکشە ناکەین."
گیدۆن سەعر بەناو وەزیری دەرەوەی رژێمی داگیرکەر لە هەمان کۆنفرانسدا ڕایگەیاند، لە مانگی ئازاری ئەمساڵەوە، حزب الله زیاتر لە ٧ هەزار سارۆخ و مووشەک و فڕۆکەی بێفڕۆکەوانی لە لوبنانەوە بەرەو رژێمی داگیرکەر هەڵداوە.
لە مانگی ئازارەوە رژێمی داگیرکەر و حزب الله چوونەتە قۆناغێکی نوێی شەڕی چەکدارییەوە. دوابەدوای دەستپێکردنی ململانێکان، رژێمی داگیرکەر هێرشی بەرفراوانی لە باشووری لوبنان دەستپێکرد و بەپێی ئامارە فەرمییەکانی لوبنان زیاتر لە ٤ هەزار کەس لەو هێرشانەدا کوژراون.
هەفتەی ڕابردوو ڕێککەوتنی ئاگربەست ڕاگەیەندرا. بەڵام سەرەڕای بانگەوازی چەندین جار لەلایەن لوبنانەوە بۆ کشانەوەی تەواوەتی رژێمی داگیرکەر، سەهیۆنییەکان بەردەوامن لە داگیرکارییەکانی خۆیان بۆ سەر باشووری لوبنان.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دکتۆر باسم نەعیم، جێگری سەرۆکی نووسینگەی پەیوەندییە عەرەبی و ئیسلامییەکانی بزووتنەوەی حەماس لەگەڵ دکتۆر عەباس عراقچی، وەزیری دەرەوەی ئێران، بە تەلەفۆن گفتوگۆی کرد.
وەزارەتی تەندروستی فەرەنسا ڕایگەیاند، حاڵەتێکی تووشبوون بە ڤایرۆسی ئیبۆلا لەو وڵاتە دەستنیشان کراوە.
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٣ هەزار و ٤١ کەس و ژمارەی بریندارەکانیش گەشتە ١٧٣ هەزار و ٤٠٢ کەس.
