سوپای پاسداران کە بە مووشەکی بالیستیک بنکەی ئاسمانی ئەمریکی لە ئوردنی کردە ئامانج بە گەلی ئوردن ڕایگەیاند، "ئێمە هیچ دوژمنیێکمان لەگەڵ ئەو وڵاتە نییە؛ بەپێچوانە ئێمە ئێوە و گەلە ئازیزەکەمان خۆشدەوێت. ئێوە زیاتر لە هەر نەتەوەیەکی دیکە لە ئێش و ئازاری گەلی فەلەستینی تێدەگەن."

سوپای پاسدارانی شۆڕشی ئیسلامی ئێران سەبارەت بە ئۆپڕاسیۆنەکانی دژی بنکەکانی ئاسمانی ئەمریکا لە ئوردن پەیامێکی بڵاو کردەوە.

سوپای پاسداران ڕایگەیاند، "گەلی ئەسیلزادە و مسوڵمانی ئوردن! شەڕڤانانی ئیسلام لە ئەنجامی قۆناغی سێیەمی پرۆسەی دووەمی ئۆپڕاسیۆنی نەسر ٢ کە نیشانەی شەهادەتی ئیمام حوسێنە، بنکەکانی دوژمنی ئەمریکا لە بنکەیەکی ئاسمانی کە لە لایەن سوپای ئەمریکای منداڵکوژ لە سەر خاکەکانتان داگیر کرابوو و بۆ هێرش دژی ئێمە بەکار دەهێنرا، کردە ئامانج و ئەمریکای تاوانکاری سزا دایەوە. لە یەکەم ڕۆژی هێرشەکاندا رژێمی ئەمریکای لووتبەرز بە بەکارهێنانی ئەو بنکەیە ١٦٨ خوێندکار و مامۆستای بێ تاوان لە میناب کردبوو ئامانج و بە شێوەیەکی وەحشیانە کوشتبوو."

لە بەردەوامی ڕاگەیەندراوەکە ئاماژە بە هەڵوێستی گەلی ئوردن لە بەرامبەر فەلەستین و غەززە کرا و دواتر هاتووە، "وەک دەزانن ئێمە هیچ دوژمنیێکمان لەگەڵ ئەو وڵاتە نییە؛ بەپێچوانە ئێمە ئێوە و گەلە ئازیزەکەمان خۆشدەوێت. ئێوە زیاتر لە هەر نەتەوەیەکی دیکە لە ئێش و ئازاری گەلی فەلەستینی تێدەگەن. ئێوە ئاگاداری ئەو کۆمەڵکوژییەی رژێمی سەهیۆنین کە لەگەڵ پشتیوانی ڕاستەوخۆی ئەمریکا لە غەززە ئەنجامی داوە و زیاتر لە ٧٠ هەزار کەسی کوشتووە کە ٢٠ هەزاریان منداڵن. داوای ئێوە بۆ لابردنی بنکەکانی داگیرکەری ئەمریکی لە ناوچەکە یارمەتیێکی گەورەیە بۆ ئازادی گەلی فەلەستین و گەڕانەوەی سەقامگیری بۆ ناوچەکە. ئێمە دەمانەوێت ئوردن سەربڵند بێت."

پەیامەکە بە ئایەتی، "ئەی گەلی خاوەن باوەڕان! ئەگەر یاری خودا بکەن، خوداش یاریدەتان دەدا و لە بەر نەیاران نابەزن." کۆتایی هات.(İLKHA)