13 oC 
Güneşli
بزووتنەوەی خۆڕاگری ئیسلامیی حەماس لە ڕاگەیەندراوێکدا، پەلاماری بەرفراوانی هەزاران شارۆچکەنشین بۆ سەر مزگەوتی ئەقسا بە بەشداریی ئیتمار بن گڤیر، وەزیری توندڕەوی کابینەی رژێمی داگیرکەر، ژمارەیەک لە ئەندامانی ئەم کابینەیە و کنێست و ژمارەیەک لە خاخامەکانی بە توندی سەرکۆنە کرد.
حەماس سەبارەت بە لێکەوتەکانی قۆستنەوەی بۆنە ئایینییە بانگەشەبۆکراوەکان لەلایەن شارۆچکەنشینانەوە بۆ فراوانکردنی پەلامارەکان و ئەنجامدانی ڕێوڕەسمە تەلەموودییەکان لە گۆڕەپانەکانی مزگەوتی ئەقسادا هۆشداریی دا و جەختی لەوە کردەوە کە ئەم هەنگاوە دەستدرێژکارانە و ئاشکرایانە، بەرۆکی رژێمی داگیرکەر و شارۆچکەنشینەکانی دەگرێتەوە؛ چونکە گەلی فەلەستین و بەرگرییەکەی لە بەرامبەر بێڕێزیکردن بە پیرۆزییەکان دەستەوسان نامێنن.
ئەم بزووتنەوەیە جەختی لەوە کردەوە کە مزگەوتی ئەقسا هەر بە مافی پەتیی موسڵمانان دەمێنێتەوە و سەرجەم هەنگاوەکانی رژێمی داگیرکەر و پەلامارەکانی شارۆچکەنشینان پووچەڵن و هیچ جۆرە ڕەوایەتییەک بۆ ئەم رژێمە دروست ناکەن. ئیرادەی گەلی فەلەستین و پابەندبوونی بە قودس و مزگەوتی ئەقساش تا کاتی نەمان و لەناوچوونی داگیرکاری، وەک قەڵایەکی پتەو لە بەرامبەر پلانەکانی بەجوولەکەکردندا دەمێنێتەوە.
حەماس داوای لە گشت گەلی فەلەستین لە قودس، کەناری ڕۆژئاوا و زەوییە داگیرکراوەکانی ١٩٤٨ کرد کە بەردەوام بن لە سەفەربەریی گشتی، بۆ ئامادەبوون لە مزگەوتی ئەقسادا بەرەو قودس بەڕێ بکەون و ئامادەبوونی هەمیشەیی و ئیعتیکافی خۆیان لە گۆڕەپانەکانی ئەم مزگەوتەدا بەهێزتر بکەن؛ چونکە ئەم ئامادەبوونە، یەکەمین هێڵی بەرگرییە لە بەرامبەر پلانەکانی رژێمی داگیرکەر بۆ گۆڕینی ناسنامەی مزگەوتی ئەقسا و سڕینەوەی سیمای عەرەبی و ئیسلامییەکەی.
ئەم بزووتنەوەیە هەروەها داوای لە وڵاتانی عەرەبی و ئیسلامی، ڕێکخراوی هاوکاریی ئیسلامی و کۆمکاری عەرەبی کرد کە بەرپرسیارێتییە سیاسی و ئایینییەکانیان لە ئەستۆ بگرن و بۆ پاراستنی مزگەوتی ئەقسا و ڕاگرتنی دەستدرێژییە بەردەوامەکان بۆ سەر قودس و پیرۆزییەکانی، هەنگاوی کردەیی و بەپەلە بنێن و تەنها بە دەرکردنی بەیاننامەی سەرکۆنەکردن و دەربڕینی بێزاری قایل نەبن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
عەلی زەیدی، سەرۆک وەزیرانی عێراق ئەمڕۆ لەسەر بانگهێشتی مەسعوود پزیشکیان، سەرۆک کۆماری ئێران گەیشتە تاران.
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٣ هەزار و ٣١١ کەس و ژمارەی بریندارەکانیش گەشتە ١٧٣ هەزار و ٩٢٤ کەس.
ئەرتەشی ئێران و سپای پاسداران ڕایانگەیاند، ئۆپەراسیۆنێکی تۆڵەسەندنەوەیان بە فڕۆکەی بێفڕۆکەوان لە دژی بنکەکانی ئەمریکا لە کوێت ئەنجام داوە.
